المساعد الشخصي الرقمي

مشاهدة النسخة كاملة : ♠♣خلاص ما احب الكابتن مـ ـ ـاجد♠♣


korapika
22 / 09 / 2006, 31 : 05 PM
سلالالالالالالالالالام
وش الاحلى سبيس تون..ولا ارتيز,,,,ولا ام بي سي 3
ما علينا,,,
تعرفون السنهـ اللي راحت كانت مهرجانات صيف قطر ....وكل ما رحت للسوق ورجعت..
إلا الكوبونات اللي بالشنطهـ مليانهـ ..<<<ماحطتهم بالصندوق..فاقدة الأمل
تذكرت أيام الطفولة...
كانت هوايتي...اجمع اي شي يكون فيهـ جائزة,,,
في يوم من الأيام...اهلي شارين لنا بسكويت الكابتن ماجد...كرتون..
ماتوقعوا هلي..ان بعد هذا الكرتون خساير...
وفي اسفل الكرتون...دفتر ... عشان نجمع فيهـ الصور...
والجوائز:سيقا..سيكل...عوامة حقت البحر..واقلام ودفاتر الكابتن ماجد...
وانا عاد يجيني طموح قوي ...واصرار عجيب..اني اوصل للنهاية..واخذ الجائزهـ >>>لو هي دراسة...ماسوت كذا
عاد الكابتن ماجد...حبيب الكل...
وانا...اموت,,ويكون عندي سيقا فيها صورة الكابتن ماجد...
وبديت اجمع...والخبر وصل لجميع ابناء الحارة.....
ومن كثر الكراتين اللي عندي وزعت الدفاتر االلي فيها..
وبدينا نجمع...وتمر الايام...واهلنا متحملينا...مع الكراتين اللي نشتريها..ولا ناكلها...
لا..صاير عندنا كرم...الواحد اذا شرا الكرتون بعد طلعة الروح...يمشي ويوزع على البزران والكبار
بس شرط....الصورة هو اللي ياخذها...
الجميع...مل من السالفة هذي..لانهم ما قدروا يجمعون صور...
إلا انا..وبنت عمتي ((قون))..وولد عمتي..(( محيميد ))
استمرينا...<<<عاد اكسل ناس بالمدرسة هم
كسرنا خاطر اهلنا..قالوا..خلاص بنشتري لكم
بس احنا....مافيهـ ..ومستحيل نعدل عن راينا...<<<كفاح من قلب
انا كنت مجمعة اكثر شي وباقي لي ست صور فقط...
الصراحة تعبت...والملل بدأ يدب فيني...
قلت..مافيهـ إلا اقنعهم..يعطوني صورهم...
بنت عمتي قون مقدور عليها...بسرعة تقتنع..
وقلت لها...اذا فزنا بسيقا ولا سيكل..بنلعب فيها..كلنا...
ما مرت كم دقيقة إلا وهي مقتنعة..
وعطتني اربع صور...
واشيلها من دفترها...والصقها بدفتري...
وباقي لي صورتين...صورة وحدة عند ولد عمتي محيميد ...
عاد هذا شري...على طول انا وياهـ هدهـ...
ما اذكر مر يوم..ولا تهدينا فيهـ ....
ما اطيقه ولا يطيقني...
قلت..هذا من يقنعه الحين..عاد لو يعرف انها انا اللي ابيها...
يرميها...ولا يعطيني هالصورة...
قلت...اجرب..لاحياة مع اليأس..ولا يأس مع الحياة...
واجيهـ...واحاول اقنعهـ...ليمن اقتنع...
جاتني فرحة..لان هذا بحد ذاته فرحة..اعتبرتهـ انتصار لي...
كل مرهـ هو اللي يلعب علي...وياخذ العابي والاكل والحلويات..
اذكر مره...قهرني...
قال لي..عطيني فلوسك..واشتري لك من السوبرماركت<<ايااام زماان قبل لايعرفون الجمعيات الكبار
كان السوبرماركت قريب من البيت..وانا انتظره عند الباب..
تفاجئت ....وهو بالطريق..ياكل الربيان اللي شرا لي اياه...
وانا....على طول ابكي...وصوتي غطى الحارة كلها...
طيب..نرجع لمحور حديثنا...(الكابتن ماجد)
بعد ما اخذت منه الصورة..رحنا كلنا..عشان نسلم الدفتر<<<شلة بزران..عشان دفتر واحد
وباقي لنا صورة..وحدة...
يوم فتحها صاحب المحل...اللي يعطي الجوائز...
قال لنا..باقي صورة وحده...
قلت له..انا تعبت وانا اجمع..عطني جائزه خلاص..
وانا ما رضيت اطلع من المحل..وإلا الجائزة في ايدي
وبعد سالفة طويلة..وشوية حنه
قال خالص....يالله بروح اجيب لكم الجائزه..
واحنا..طايرين بالفرحة..اخيرا..بتجي لنا سيقا..ولا سيكل...<<<حلم الطفولة..
اشوي يرجع...
ونطالع..في ايده حاجة صغيرة....
فتحها....إلا هي..العوامة حقت البحر...
وينفخها لنا...ويعطينا اياها...
ونرجع للبيت..وانواااع الاحباط...
خسرنا على الدفتر..اللي يجيب قيمة السيقا..
توبه...ماعاد اجمع
فاصل طفولي:
أيام الابتدائية
انا واختي وبنت خالتي بنفس المدرسة...ونروح على نفس السيارة...
والسيارة لما توصلنا للمدرسة لازم ننزل كلنا من نفس الباب ..اللي على اليمين..
لان اليسار..يكون على الشارع..ويكون خطر علينا....
لذلك..كل يوم نغير اماكنا
مره انا الاولى على اليمين..بعدين بالوسط..واللي بعده باالاخير صوب اليسار...
بحيث كل وحدة...تصير الاولى كل مرة...
تدرون ليش؟
عشان الاخيره هي اللي تسكر باب...وما نبي التعب على و حدة..هي نفسها اللي تسكر الباب
كل مره<<<ناس زوولة بقوه
اعتقاد طفولي:
لما كنت صغيرة..لما يقولون هذا معاه السكر..
كنت افكر انه لسان نفسهـ سكر...اي شي ياكله...يحس طعمه سكر..
واي شي فيهـ بذر نفس التفاح والبرتقال والعنب..من الفواكهـ...
لما تاكل البذر حقهـ...وتشرب وراهـ ماي...تطلع الشجرة من فمك..
لاني ربطتهـ ...بالارض..لما نحط البذر..ونسقيهـ...يطلع لنا شجر
لا....من كثر ما هذا الشي مسبب لي رعب...
رحت ونشرت هذا الاعتقاد...بين بزارينا..
وخااافوا...
واكثر شي وحدهـ عندنا,,,مرهـ كلت بذرة برتقال..او بطيخة.....واشربت وراه ماي
ورحت خبرتها ..بالسالفة>>>مسوية فيها دكتورهـ
جلست تبكي..وراحت لبيتهم..وابوها يقنعها...وينفي لها هذا الكلام..وهي ماهي راضية تقتنع..
كل ما شافتني الحين..تقول..ريم ..وش يصير للبذر اذا شربنا بعده ماي...
يالله سلام

طالب الحور
22 / 09 / 2006, 53 : 05 PM
ههههههههههههه

احباط من جد

بس زين انه عطاك جائزة احسنت مايشوتك مع الباب

خخخخخخخخخخخخ

korapika
22 / 09 / 2006, 14 : 06 PM
أي والله أحسن أنه عطاني جائزه
بس محميد خذاها أناني

محمد بن عايض المسردي
22 / 09 / 2006, 37 : 07 PM
مشكــ&ـــ علـى النقــل المميـَــــــــز ـــــــــــورهـ..

عزووز
22 / 09 / 2006, 48 : 07 PM
هههههههههه مساكين

killua
23 / 09 / 2006, 15 : 09 AM
ههههههههههههههههههه
أخوي الليث أختي مهوب ناقلته هذا صدق بس أنا كان عمري 3سنوات
حي ذا العين من ذي السالفه

وجــد
23 / 09 / 2006, 32 : 11 AM
ههههههههههههههههههههههههه

هههههههههههههههههههههههههههه

كويس انه عاك جائزه خخخخخخخخ

korapika
23 / 09 / 2006, 50 : 11 AM
شكرا أخوي
الليث2006
ع المرور الطيب

korapika
23 / 09 / 2006, 52 : 11 AM
شكرا أخوي عزووز
ع الرد الحلو

korapika
23 / 09 / 2006, 53 : 11 AM
شكرا خيتو
killua
ع المرور العطر

korapika
23 / 09 / 2006, 53 : 11 AM
شكرا خيتو جوري ع الرد الجميل

كابتن ماجد
24 / 09 / 2006, 38 : 02 PM
جاي وما دري وش السالفة اقول وش فيهم الناس علي هههههههههههههههههههههههه


ذكرتيني بسالفة ألبان الصافي جمع النجوم وعلى عددها تحدد الجائزة وقعدت اجمع واجمع لين جمعت حوالي 60 نجمة وكانت مقابل كمبيوتر عائلة هههههههههه المهم بعد هالتعب ويوم رحت للتميمي قالوا خلصت امس يمين يسار عطوني كورة ببسي

مناحي السادس عشر
24 / 09 / 2006, 18 : 05 PM
هههههههههههههههههههههههه

الله يرجكم انتم ويا المسابقة هذي

تصدقون اني ما قد تعبت نفسي بهالاشياء

بس اخبر مرة واحد من اخواني كان يحمع حقت بطاطس ليز
ولما خلص الدفتر كان يقول بكرة بيروح يستبدلها
عاد جيته بالليل وانتف ابو الدفتر
وباليوم الثاني رحت وبدلته وعطوني كيس كبير بطاطس وقعت آكله واللي يبي يشتري مني
عاد اخوي انجن وهو يدور دفترة
عاد انا مسوي فيها بريء اقول له(( تبي بطاطس))
يجي ويقول لي (( أيه ابي ))
عاد اقول له ((تراه بريال ))
شين وقوي عين عاد مشت والله ولو يدري بيدبغني الحين
هههههههههههههههههههههههههههههههههههههههه

كونان
24 / 09 / 2006, 40 : 06 PM
8
8
8

احمد ربك انهم في حائل

korapika
28 / 09 / 2006, 03 : 05 PM
مشكورين ع مروركم الطيب
حرامعليك يامناحي تخيل لو كنت مكانه شنو بتسوي