عبدالله المشعلي
22 / 08 / 2006, 28 : 11 PM
يا الله طلبتـك يـا منشـي السحايـب=المردفـات اللـي مطرهـا تصـبـه
على الفيافـي والفيـاض الخصايـب=وتحيي ثرى قاع قد أبطى الجدب بـه
يـا قابـل توبـة منـيـبٍ وتـايـب=وأخلص لوجهك بالعمل واقتـرب بـه
واللي تمسّـك فـي عـراك القطايـب=يامـن بـك ويستامنـك وأنـت ربـه
يا رب جنبنـا الخطـاء والمصايـب=وأفرج لمن صعب الظروف تحضب به
يـا واحـدٍ راجيـك ماهـوب خايـب=يسّـر لنـا مـا ترتضيـه وتحـبـه
بدعت مـن زيـن المعانـي غرايـب=وأصوغها صوغ الذهب فـي مصبـه
وأهديتهـا لأهـل القلـوب اللبـايـب=غالـي ثمنهـا بكـل سـوق تطـبـه
وأنا علـى المعنـى سريـع الندايـب=وأشبهـه مثـل الهـدف يـوم أشبـه
أنبلـه نبـل معتّـقـات الخشـايـب=اللي بها زيـن المثـل ينضـرب بـه
تعبيـر شاعـر والمشاعـر طرايـب=ويهيضها اللـي بالحشـا يقتلـب بـه
هـم يولـع فـي ضميـري لهايـب=وأمسي وفكري كل طاري يعزب بـه
وأصبح وأنا من غيب الأيـام هايـب=واللي شكى من واقعه مـا كـذب بـه
من عاش بالدنيـا يشـوف العجايـب=والوقـت وأحـداث الليالـي تنـبـه
يقـولـه الـلـي نبهـتـه النبـايـب=وصرّح بما في خاطره واختطـب بـه
كانـت لـه أحـلام الليالـي لعايـب=واخلف هقاويـه الزمـان ولعـب بـه
يبرى الصواب ويجبر العظـم عايـب=ولا تجي الأسبـاب مـن غيـر سبـه
لولا الأعـادي مـا عرفنـا الحبايـب=ولـولا الحبايـب مـا لحقنـا مسبـه
أحد علـى ربعـه يشـب الحرايـب=ويجعل مـن الحبـة ثمانيـن قبـه
متنشـب ويلـوي حبـال النشـايـب=وانشبهم بدرب النشـب وانتشـب بـه
وأحد على ربعـه يسـوق الضرايـب=ويحـط هفـوات القرايـب مطـبـه
دمـّـاح زلات مخـلّـص طـلايـب=ويسعى بدرب الخير مهما تعـب بـه
والمرجلـة بيـن النشامـا نهـايـب=أحد خسر بالعمر وأحـد كسـب بـه
ما كل من يغـزي يجيـب الكسايـب=ولا كـل رجـلٍ فـي النوايـب تنبـه
كم واحد شـب وغـدا اليـوم شايـب=وهـو ربيـب مـا تعـدى مـربـه
يغيـب لا جـات الأمـور الصعايـب=مـن يمّتـه حبـل المراجـل يجبـه
وان جا الرخا يأتي قـوي الصلايـب=مثـل ( البليهـي ) كـل ريـع يذبـه
ورفيقـك اللـي مـا يسـدّ النوايـب=لا تنتظر له فزعـه ولا تحسـب بـه
من صد مالـك بـه كثيـر الشعايـب=خلـه يصـد وغيـره يـسـد نـبـه
من صد مالـك بـه كثيـر الشعايـب=خلـه يصـد وغيـره يـسـد نـبـه
ولا تقول ذا مخطي وهـذاك صايـب=كـل يواجـه مـا عمـل عنـد ربـه
وان شفت من قاسي زمانـك غلايـب=تصبّـر وسـدك عـن النـاس غبـه
ولا تهيـن نفسـك للعفـون الزلايـب=اللـي علـى شماتـتـك مشرهـبـه
ونيل المقاصد مـا يجـي بالغصايـب=والدلو رث الحبـل مـا ينجـذب بـه
والرفقـه اللـي شايبتهـا شـوايـب=أوضـاع أهلهـا مـا هـي بمستتبـه
والرفقـه اللـي شايبتهـا شـوايـب= أوضـاع أهلهـا مـا هـي بمستتبـه
والعيـش فـي دار المهونـة عقايـب=اليـا جفـاك الـدار وأهلـه فكـبـه
لا شفت مـا ينعـاف سـق الركايـب=والبعد طـب الجـرح لا بـار طبـه
لو كان تقضي باقـي العمـر غايـب=أخيـر مـن لامـا وراهـا مغـبـه
مادام مـا حطـت عليـك النصايـب=شطّـر براسـك للهبـايـب تهـبـه
سج القدم بفجـوج الأرض الرحايـب=واليـا سمعـت منـادي الخيـر لبـه
ولا لك مصـدّ لـو عملـت السبايـب=عن ما وضع باللوح واللي كتـب بـه
رزقك وأجلك بيـد جـزل الوهايـب=إن أبعد بـه الوقـت وألاّ قـرب بـه
والعمـر تاليـه الفـنـا والذهـايـب=اليا لحق ركـب المقافـي ركـب بـه
عبدالله المشعلي
على الفيافـي والفيـاض الخصايـب=وتحيي ثرى قاع قد أبطى الجدب بـه
يـا قابـل توبـة منـيـبٍ وتـايـب=وأخلص لوجهك بالعمل واقتـرب بـه
واللي تمسّـك فـي عـراك القطايـب=يامـن بـك ويستامنـك وأنـت ربـه
يا رب جنبنـا الخطـاء والمصايـب=وأفرج لمن صعب الظروف تحضب به
يـا واحـدٍ راجيـك ماهـوب خايـب=يسّـر لنـا مـا ترتضيـه وتحـبـه
بدعت مـن زيـن المعانـي غرايـب=وأصوغها صوغ الذهب فـي مصبـه
وأهديتهـا لأهـل القلـوب اللبـايـب=غالـي ثمنهـا بكـل سـوق تطـبـه
وأنا علـى المعنـى سريـع الندايـب=وأشبهـه مثـل الهـدف يـوم أشبـه
أنبلـه نبـل معتّـقـات الخشـايـب=اللي بها زيـن المثـل ينضـرب بـه
تعبيـر شاعـر والمشاعـر طرايـب=ويهيضها اللـي بالحشـا يقتلـب بـه
هـم يولـع فـي ضميـري لهايـب=وأمسي وفكري كل طاري يعزب بـه
وأصبح وأنا من غيب الأيـام هايـب=واللي شكى من واقعه مـا كـذب بـه
من عاش بالدنيـا يشـوف العجايـب=والوقـت وأحـداث الليالـي تنـبـه
يقـولـه الـلـي نبهـتـه النبـايـب=وصرّح بما في خاطره واختطـب بـه
كانـت لـه أحـلام الليالـي لعايـب=واخلف هقاويـه الزمـان ولعـب بـه
يبرى الصواب ويجبر العظـم عايـب=ولا تجي الأسبـاب مـن غيـر سبـه
لولا الأعـادي مـا عرفنـا الحبايـب=ولـولا الحبايـب مـا لحقنـا مسبـه
أحد علـى ربعـه يشـب الحرايـب=ويجعل مـن الحبـة ثمانيـن قبـه
متنشـب ويلـوي حبـال النشـايـب=وانشبهم بدرب النشـب وانتشـب بـه
وأحد على ربعـه يسـوق الضرايـب=ويحـط هفـوات القرايـب مطـبـه
دمـّـاح زلات مخـلّـص طـلايـب=ويسعى بدرب الخير مهما تعـب بـه
والمرجلـة بيـن النشامـا نهـايـب=أحد خسر بالعمر وأحـد كسـب بـه
ما كل من يغـزي يجيـب الكسايـب=ولا كـل رجـلٍ فـي النوايـب تنبـه
كم واحد شـب وغـدا اليـوم شايـب=وهـو ربيـب مـا تعـدى مـربـه
يغيـب لا جـات الأمـور الصعايـب=مـن يمّتـه حبـل المراجـل يجبـه
وان جا الرخا يأتي قـوي الصلايـب=مثـل ( البليهـي ) كـل ريـع يذبـه
ورفيقـك اللـي مـا يسـدّ النوايـب=لا تنتظر له فزعـه ولا تحسـب بـه
من صد مالـك بـه كثيـر الشعايـب=خلـه يصـد وغيـره يـسـد نـبـه
من صد مالـك بـه كثيـر الشعايـب=خلـه يصـد وغيـره يـسـد نـبـه
ولا تقول ذا مخطي وهـذاك صايـب=كـل يواجـه مـا عمـل عنـد ربـه
وان شفت من قاسي زمانـك غلايـب=تصبّـر وسـدك عـن النـاس غبـه
ولا تهيـن نفسـك للعفـون الزلايـب=اللـي علـى شماتـتـك مشرهـبـه
ونيل المقاصد مـا يجـي بالغصايـب=والدلو رث الحبـل مـا ينجـذب بـه
والرفقـه اللـي شايبتهـا شـوايـب=أوضـاع أهلهـا مـا هـي بمستتبـه
والرفقـه اللـي شايبتهـا شـوايـب= أوضـاع أهلهـا مـا هـي بمستتبـه
والعيـش فـي دار المهونـة عقايـب=اليـا جفـاك الـدار وأهلـه فكـبـه
لا شفت مـا ينعـاف سـق الركايـب=والبعد طـب الجـرح لا بـار طبـه
لو كان تقضي باقـي العمـر غايـب=أخيـر مـن لامـا وراهـا مغـبـه
مادام مـا حطـت عليـك النصايـب=شطّـر براسـك للهبـايـب تهـبـه
سج القدم بفجـوج الأرض الرحايـب=واليـا سمعـت منـادي الخيـر لبـه
ولا لك مصـدّ لـو عملـت السبايـب=عن ما وضع باللوح واللي كتـب بـه
رزقك وأجلك بيـد جـزل الوهايـب=إن أبعد بـه الوقـت وألاّ قـرب بـه
والعمـر تاليـه الفـنـا والذهـايـب=اليا لحق ركـب المقافـي ركـب بـه
عبدالله المشعلي