امريكيين استطاعوا دخول بريد صدام حسين !!!!!!!!!!!!!!!!!!!!!

[جريح الذكرى]

قال صحفيين من موقع ويرد دوت كوم الامريكي انهم عرفوا الرقم السري حق البريد الألكتروني للرئيس العراقي صدام حسين عن طريق استغلالهم لثغرات أمنيه في البرنامج اللي تستخدمه شركة الانترنت الرئيسية بالعراق .



باس وورد بريد صدام ( نعم )

ولقى هالصحفيين مئات الرسايل المرسله لبريد ابو عداي press@uruklink.net من ناس واجدين منهم اللي يقول له ارسل لي تذكره وابجي افزع معك ومنهم اللي يقول توي مخترع قنبله تحرق كل شي في مساحة معينه واللي يقول له عندي معدات اطفاء ابابيعها عليكم بسعرٍ زين واللي يقول له تعال اكتب في منتدانا (جاش) وبنخليك مشرف


(عزت ابراهيم درا عن الوضع وضاعت علومع)
عزت ابراهيم انهبل عقب ما درا خايف انهم داخلين بريده وشايفين من يرسل له

كل هالكلام بسيط .. لكن اللي هبل بالصحفيين رسالتن جايتن من شركة امريكية بكالفورنيا عارضتن على ابو عداي تحسين التكنولوجيا بالعراق ويوم سألوا الشركه قالوا ايه حنا مرسلين هالرساله بس ما عرضنا عليه اي شي يتعلق بالدمار الشامل واسلحته . بينما كانت هالشركه قبل قايلتن ان عندها نظام اشعال حرايق مهوب صاحي يصلح للي يبي ( ماقالوا ابو عدي ) وقالوا في بيانهم ان بوش لازم يستقيل ابرك له ( بس ما احد درا وش علاقة هذي بذي ) ويوم حشرتهم الحكومه قالوا فعلا ارسلنا للعراق بس كنا نبي نبيعهم أنتل ( هوائي ) بس انتم فاهمين غلط .

ويقولون الصحفيين انهم لاقين رسايل بس ما فتحوها ( ياعيني على الأدب ) ويقولون الظاهر ان ابو عداي مبطي ما فتح بريده الالكتروني الظاهر انه مشغول ذا اليومين