لا تفوتك قصة شارون والدراهم !!!!!!!!!!!!!!!!!!!!!!!!!!!!!!!!

[جريح الذكرى]

بدت تحقق جنوب افريقيا في في فضيحة رجل الاعمال الجنوب افريقي اللي " ديّن " شارون مليون ونصف دولار ،
واللي حوّلها باسامي عياله " عومري و جلعاد " الله لايحفظهم ولا يخليهم له ، وتقول وحدة من جرايد اسرائيل



والله لو تحكّ خشّتك عشر سنين منتب لاقي ٍ لك تصريفة تمشّي
الحروة ان شارون هو وعيلانه خذوا رشاوي وأساءوا الائتمان وتسذّبوا في شهاداتهم بعد ،
ويقولون ان ها المبلغ استخدمه شارون في تسديد بعض الدراهم اللي صرفها في تمويل
غير مشروع للحملة الانتخابية اللي انتخبوه عقبهاً رئيس ٍ لهم ،



من الخبصة قام يقرأ الكلمة وهي مقلوبة " الله يذكر بعض الشرطة اللي يفتّشون بالخير :)
ويذكرون ان شارون ماوده بالسلف بس انه تسلف غصب ٍ عليه لأنه حاول يرهن مزرعته بس انهم خسخسوا له وقالوا الا صارت
الارض اللي انت عامر ٍ عليها لك تعال ارهنها الله يصلحك ،



مسوي ٍ فيها شديد على باله يبي يروّع المحققين

قال أجل مالي الا
رفيّدزي " أبو كيرن " ابتسلف منه وأبقول له لاتعلم أحد ،



والله مدري وشّم لاقين ٍ فيه ..
لاوجه ٍ في المقعد ولا ... في ...... !!
المراد ان حزب الليكود اللي يتزعمه شارون دحدرت شعبيته عقب هالفضيحة ووصلت الجنّ ، ولا تهون شعبية زعيمة اللي صار عندهم هالحين مايسوى التالية من الغنم ،



الشاعر العذب شارون ( أسير الدمّ )
ويقولون اللي قضبوا التحقيق في جنوب افريقيا نبي نتعاون انحن واسرائيل الين نشوف وش السالفة
بالضبط وهل عملية هالتحويل سليمة والا تندرج حدر عمليات غسيل الدراهم ،



شارون هو وولده ..

ذاك العجل من ذاك الثور ..

وجاء شارون يبي يصرّف ويبرر لفضيحته ولا عطوه وجه
ويوم جاء يبي يلقي كلمة في التلفزيون
عشان يشرح موقفه مصعوا البثّ قبل مايكمل ربع الكلمة


(رؤساء العرب ساكتين دايم)
الله من واحد من ذولي مسوي ٍ العن من سواة شارون بالف مرّة ..

بس ولا من شاف ولا من دري

( هذولي والله اللي مهمب العرب اللي يقعد رئيسهم يهك ويهلّس و يعطيهم من هالرخيص لمدة 3 ساعات على الهواء أو أكثر وأكلف ماعليهم يصفٌّقون له بين كل كلمه وكلمه ..


(بوش تدخل في الوضع)
بوش يقول لشارون عطني المقسوم .. وأطلّعك براءة وان بغيت َ ملطتها في بن لادن بعد !!

لا ويعيدون كلمته في التلفزيون عشر مرّات هذا اذا ماجابوا نقّاد يحللونها ويمدحونها ويذكرون مكامن البلاغه والسياسة والاقتصاد فيها مع انها ماتصلح ولا موضوع تعبير لصفّ خامس ابتدائي )



شارون يقول لنتنياهو :

افزع معي ونتناصف الدراهم

المهم ان شارون قام يتفلسف شويّ في كلمته ومصعوها لأنه ماجاز لهم لاهو ولا كلمته ولا تصاريفه ولأن القانون الاسرائيلي
يمنع أي تمويل خارجي للحملات الانتخابية .. يعني لو يصرّف بيديه ورجليه و ........ ، راكبته التهمه راكبته الله لايعوق بشرّ .