الى الطرقي مع التحية

[أبو فيصـل]

يالطرقي اللي تحفظ احكام وامثالي=ياكيف حالك عساك بخير بالحالي
وشرايك اليوم نبداها بموالي=والبيت مايثبت الا فوق سيسانه
انت ياملازم الشرطه تراني نقيب=مااحب التسيب واحترم لنتظام
طيبتي لاتغرك وانتبه يالبيب=والاجازه على مثلك تراها حرام

[الطرقي]

ياصاحبي ياسفير الحب وشلونك =والله يحييك درًجها بقانونك
وابتد مواويلها والله في عونك=والبيت مايثبت الا فوق سيسانه
يانقيب انت مالك حق عنا تغيب=لك ليالي تفوت موعد الاستلام
وطيبتك لاتغير وضعها يالحبيب=لي عليك احترام ولك علي احترام

[أبو فيصـل]

حاضر ولكن تغيبنا مشاغلنا=ولاانت فاضي تدوج ودوم مشغلنا
والموتر اللي معك ماساعه ونا=والبيت مايثبت الا فوق سيسانه
شاعر من شروق الشمس لين المغيب=مايوني ولايعرف لذيذ المنام
المغشه تراها من بعيد وقريب=ولاتغرك مواري دين ولا التزام

[الطرقي]

مادام غيبتك يالطيب من اشغالك=وشفيك تدعي العرب وتجر موالك
ياهيه00ياهيه فال الله ولا فالك=البيت مايثبت الا فوق سيسانه
شاعر مايجيله في المواقف نصيب=ودك انه على وجهه يحط اللثام
والمغشه لاهلها واكثر الهرج عيب=يلحقك في بعض ماقلت مني ملام

[أبو فيصـل]

حبيت امازحك لكن اختلف ظني=متغير وش حصل لك ياولد مني
ماتدري ان الوفا ماخوذ هو عني=والبيت مايثبت الا فوق سيسانه
انت يالي تبرى الذيب وسط القليب=رح وفتش جيوبك قبل حل الظلام
ماعلي من زعلكم دام ربي حسيب=وكلمة الحق عندي مثل رد السلام

[الطرقي]

ياللي تمازح ترى الموال غيرته=واخلفت طرقه وفيه الوزن كسرته
عسرك معناه والموضوع عاسرته=والبيت مايثبت الافوق سيسانه
ياسفير المحبه فيك شك وريب=قمت تومي بها من بين شرق وشام
اشهد ان ماعلى ذا الوقت شي عجيب=كلمة الحق قدهي حجة الاتهام

[رماح الحب]

اسمحو لي بالمرور و تقديم التشجيع و اتمنى ان تقبلوني متابعة.

[أبو فيصـل]

ماهوب يعسرني المعنى ليا قلته=وترى الخطا وارد ماظنك ابدعته
ولي حصل رحت انا با ليد واصلحته=والبيت مايثبت الا فوق سيسانه
ياحليل السكرتي معه وصفة طبيب=يامضيع شبابه قبل وقت الصرام
لاتعجب ومثلك يحسبنه خطيب=وكثرة الدق يالطرقي تفك اللحام

[الطرقي]

ماهوب يعسرك كيف تصلح الغلطه=وتخالط ابيوتها وتقالب الخلطه
وشلون سويتها ياضابط الشرطه=والبيت مايثبت الافوق سيسانه
ياسفير المحبه وانت شاعر واديب=استمع ياحزام اللي يبي له حزام
لا تدق اللحام ولا تحل الصعيب= وانفرد للمحبه والهوى والغرام

[محمد بن عايض المسردي]

ياسلالالالالالالالالالالالالالالالالالالالالالالال الالالالام في الصف يالطرقي

[أبو فيصـل]

اشوف بعض العرب مايدمح الزله=مثل الغريق الذي متمسك بقشله
ياهوه00 ياهوه بانت منكم الذله= والبيت مايثبت الا فوق سيسانه
جبرنا ماكسر والكسر منا عطيب=والمهالك عليها وردنا مايضام
ناركم برد ولا نارنا من لهيب=لاتشب الحرايق ياصلك لنتقام

[الطرقي]

من بعد هاذي ترى زلتك مدموحه=ماعاد اضايقك في الجيه ولا الروحه
الا لما قام ينذخ ذيخ منفوحه = البيت مايثبت الا فوق سيسانه
انت ياللي عظامك كلها من صليب =ما تكسر مثل باقي جميع العظام
خل عنك التهدد والغضب يا لغضيب=نبغي انشوف فعلك والهمام الهمام

[أبو فيصـل]

يالطرقي اعرفك انا واعرف اساليبك=لاتكثر الهرج تكفينا اكاذيبك
لاجات صدق بيظهر للعرب عيبك=والبيت مايثبت الا فوق سيسانه
انت يالي على الصخره غشاك النحيب=امر الحرب ناويها عليك اقتحام
لاعطيتك لوامر ياوكيل الرقيب=لاتناقشني ابها صادره من لمام

[الطرقي]

مدام تعرف باساليبي وتفكيري =هاذي الحركات مررها على غيري
مهما تسويه ماللك اي تاثيري =والبيت ما يثبت الا فوق سيسانه
موقفي ماتهزه في النهار العصيب=واخذ القسم وافي من علو السنام
وانت يالذيب في دربك ثلاثين ذيب=لاتنزل مقامك يارفيع المقام

[أبو فيصـل]

قدري اعرفه ولاانت بعارف قدري=وياحيف من واحد يدري ولايدري
بدري عليك النجوم الساريه بدري =والبيت مايثبت الا فوق سيسانه
لاتحسب السوالف مثل اكل الزبيب=احتزم للدواهي عام من بعد عام
فيه بالحرب سالب لاتصير السليب=والجمل لابرك حطو عليه الخطام

[الطرقي]

لون كلا يمييز قدره وحجمه=كان البشر في الحياه تعيش منسجمه
ولا هوت نجمتك ياراعي النجمه=والبيت مايثبت الا فوق سيساته
الدواهي لقد مالله كتب ماتصيب=مكسبك ماهو بدايم ولله الدوام
كلمتك هاذي احفظها والا قدار غيب = يمكن تجر بخطامك نهار الزحام

[أبو فيصـل]

اللي يدور لها لابد يلقاها=واحذرك لاتجي من دون ماطاها
وان كان ماتابت ام جنيب باطاها= والبيت مايثبت الا فوق سيسانه
الادب يلتزم به كل رجل غريب=وانت ضيف ولانبغى يطول الكلام
ضيفنا لالفانا ماوجد غير طيب=نعذره دامت الدعوى سلام بسلام

[الطرقي]

ياللي تدورعلى العليا وتخطيها=ماتملك الطيبه وشلون تعطيها
جعل الحيايا تلطيبك لواطيها=والبيت مايثبتالا فوق سيسانه
لاتقهوي ضيوفك من دلال سريب=اكرم الضيف قبل العلم والاعتلام
لاتجي في لقانا بالصياح الطنيب=جعل بيت الردى يصبح على اهله هدام
ترى جهازي خربان

[أبو فيصـل]

الله يجزى جهازك خير ويدله=خربان والظاهر انه ماصلح لله
بنصحك ترميه لا تامنه وتشله =والبيت مايثبت الا فوق سيسانه
فيه ضيف تقدم له سحال الحليب=وفيه رجل تساوت جيته والعدام
يابليد الدراسه ماانت طالب نجيب=ارفع الراس لاترخيه مثل النعام

[الطرقي]

جهازي ان خرب بشري واحد غيره=واطيرك ياسفير الحب تطييره
وتروح من بين تقديمه وتاخيره=والبيت مايثبت الا فوق سيسانه
ما يقسم حقوق الضيف قرم عريب=وانت حطيت في بعض الحقوق انقسام
لاح عبد المجيد ورد غنيه رهيب=دام جالك على التشبيه شف ومرام

[أبو فيصـل]

يالي تساوي اثعال الارض وذيابه=الامر ياكيف انته حاسب حسابه
الظاهر انك من اللي يكفل ثيابه= والبيت مايثبت الا فوق سيسانه
يعاقب الله على الافعال ولا يثيب=والمكارم تشوم الها الرجال الكرام
قسمتك حاضره امر وحنا نجيب=والله ان نوفي المكيال لك بالتمام

[الطرقي]

عندك حيالات مكر(ن)ما تخليها=وتبغى على الذيب يالحصني تمشيها
ماتدري ان كفلة ثيابك مثنيها=والبيت ما يثبت الا فوق سيسانه
حل حولك مديد وحل حولك عزيب= وانت يابو المكارم بين حشو وجهام
كلمة نجيب من لنجاب وانجاب صيب=انجبي ووفي المكيال يام الغلام

[أبو محمد]

ثنائي الابداع 0000000 لشعر المحاوره 00000بمنتدانا الراقي
الطرقي 000000سفير المحبه
بيض الله وجيهكم والله لايهينكم بالرغم من هذه المحاوره ثاني لقاء بينكم الا انها جذبت اكثر الاعضاء والزوار وجالها جمهور
وصدى واسع 00000000 ولا نرضى باقل من هذا المستوى 0ونراكم في محاورة قادمه 000 000 تحياتي للجميع

[أبو فيصـل]

ياراعي العزوه اللي مالها سيره=خذلك مع الريق فنجال من البيره
لاتصحي الخلق يالي تزهم منيره =والبيت مايثبت الا فوق سيسانه
لاتفرع بصوتك واحذر تطر جيب=والأسد لازئر طارت فروخ الحمام
انجبت يوم جابت واحد كنه هيب=ياكبر زوله اليا مر بين الخيام

[الطرقي]

[align=center]الخصم اللدود (سفير الحبه
من الرد الاخير اتضح لي مواري زعل وهذا مايجب ويعلم الله مدى اعجابي بالسفير واسلوبه ورغبتي بان المحاوره استمرت 0ولكن 00
وبكل امانه ازادني مدح وثناء ابومحمد شرف وهذا فضل من افضالك علي 00بكل المحبه ياسفير ومصير الحي يتلاقا

[أبو فيصـل]

الاخ القدير الطرقي يعلم الله انك من الشعار المميزين ويعلم الله اني مازعلت منك ولي بيزعل من المحاوره يعتبر دخيل على الشعر ,اما بالنسبه لبو محمد والله اني اعتذر منه فلم اقرأ كلامه الا متأخرا على العموم يالطرقي الايام القادمه لنا لقاءات فاللعب معك له شكل ثاني وشكرا للجميع

[محمد بن عايض المسردي]

مشكــــــــــــــــــــــــــور..أخـــــــوي. ."الطـــــــــرقــي"..مشكـــــــــــــــــــــــــــــور..أخـــــــ ــو ي.."السَفيــــر"..
صحَــــــــت..ألسنتكــــــم..وإلــــــــــــى اللأمـــــــــــــام..
@@دمتـــــــــــــــــمـ .. بـــــــــــــــــود@@

[محمد بن عايض المسردي]

مشكـــــــــور..أخــــــــــــــــوي.."الطـــرقـــي"..مشــــــــــكـور..أخــــــوي.."السًفيــــــر"..
صحـــــت ألسنتكــــــــمـ .. وإلـــــــى الأمـــــــــــامـ
@@دمتـــــــــــــــــــمـ .. بــــــــــــــــود@@

[أبو فـلاح]

المحاورة بعدما تم فك دمجها ..
نعتذر للكبيرين سفير المحبة والطرقي عن الخطأ الذي حدث ....

[عاشق المجد]

يعطيكم العافية " وانتم ان شاء الله من الشعار القديرين والفاهمين ومحاورتكم اكون متابعها أولاً بأول ولكن هذه المحاورة ماقريتها الا بعد النهاية واستمتعت بها".

والله يوفقكم ،،،،،،،،،،،،،،،،،،،،،