المساعد الشخصي الرقمي

مشاهدة النسخة كاملة : فايف استار


أبو محمد
13 / 07 / 2006, 06 : 05 AM
بعد التحيه
تجاوبا لراي مشرفنا المحبوب /ناصر بن هذال حول القصايد وتنوع اغراضها
اشارك بهذه القصيده وهي (مدح)في صديق قديم وشاعر وهو الشيخ /ابراهيم الشرقي
والى القصيده وارجو ان تنال اعجابكم

ياراكب اللي لاخذا سكة القار=يقطع تخاتيخ الخلا في مسيره
جمس(ن)جديد ماعلى نوعه اخيار=جابوه حسب مواصفات الجزيره
امصمم يقطع طويلات الاسفار =ومتفنن في مواصفاته خبيره
له في الفخامه والرفاهيه اشعار=متميز في مركبه دون غيره
مكينته في حجمها خمس واعيار =وقوة ثمانميه وخمسين قيره
لما اشتغل يظهر به الصوت هدار=بيب يميز صوت نبرة هديره
وكن حسه اليا شغَل وحوله اجدار=شيخ يحدث في رجال العشيره
وان عشقوه وزودو بنصه وسار= كنه بيجي وسط المكينه حشيره
وليا لقم له نمرة قبلها اصغار=حرا هوا من راس خطوى جديره
وكن سايقه لما ركب فيه طيار=كبينته في وصفها مستديره
لمحركاته وسطها ارموز ونوار=لوحة تحكم فايدتها كبيره
وصفه على تلقيبهم(فايف استار)=قمة فخام الماركات الاخيره
منوة غريب (ن)حايل دونه اديار=وعزم من الغربه يطوي حصيره
له مدتة ماجاه من ربعه اخبار=واجازته وافق عليها مديره
ودي يروح بلازمي بس مشوار=صوب الذي مايحس خاطر قصيره
ودي يروح لمكرم الضيف والجار=راعي افعول في المراجل شهيره
مراجله تذكر امرار وتكرار=وغدالها عند المناعير سيره
الشيخ ابو خالد رعى الطيب والكار=اللي لحق مستورة الحال خيره
الشرقي اللي شب للمرجله نار= نارا سناها واصل للفجيره
نارا حطبها نوع ليره ودينار =ماتنطفي مادام في الجيب ليره
اللي عمر فالطيب ديره ودَيار=تبنى عطا ومحوشه بالستيره
روضة رخاء متشعب وسطها انهار=تنبع كرم وتصب داخل جزيره
جزيرة من شافها لد واحتار=روعة جمال وفي المساحات ديره
يلقى بها اللي راجيا ستره استار =ويلقى بها اللي راعه الليل نيره
ويلقى بها اللي ممحلا روضه ازهار=وفيها جبار للعظام الكسيره
تمشي مسيرتها على دم دولار=وخلا الدراهم في نصدها ثريره
الشرقي اللي في الكرم يقرب الحار=نبع الصخى اللي مايوقف غديره
للطيب كسابا وللموج بحار=وله وقفة تو المعادي خطيره
من لاية تقدم على الماو لاثار=سقم الحريب اللي جيوشه مغيره
ارفيده اللي صيتهم فاق الاقطار=وتاريخهم فيه الدلايل وفيره
وهذا بعض ماشفت ووصافه اكثار=عود ازرق(ن)سجلت نفحة عبيره
وقبلي مدح في راعي الصيت شعار=وفيه القصايد لو تمادت قصيره
وسويتها لمدله الضيف تذكار=عسى تحصل منزلا في ضميره
[/poem][/poem][line][/poem]
عايض بن حيبان

محمد بن عايض المسردي
13 / 07 / 2006, 52 : 05 AM
الرائـــــــــــــــــــــع.."أبومحمــــــــــد..أبيـــــــــــــــــــــــات"من..أروع مــــــــاسمعت
أذنـــــــــــــــــــاي.."تحيـــــــــــــــــــــــــــــــا تـــــــــي"،،،

مخـاوي الذيب
14 / 07 / 2006, 37 : 12 AM
قصيده راااااااائعه جدا
مشكوووور
ابومحمد

ناصر بن هذال
14 / 07 / 2006, 49 : 01 AM
صح لسانك ياابو محمد ..وشكرا لتفاعلك

المارد
14 / 07 / 2006, 12 : 03 AM
ابو محمد صح لسانك

الطرقي
14 / 07 / 2006, 46 : 03 AM
صح اللسانك يابو محمد مليون رائع وستظل رائع فالله انك امتعتني في كل حرف

أبو محمد
15 / 07 / 2006, 10 : 04 AM
الاخوة الاعزاء
الليث2006
مخاوي الذيب
ناصر بن هذال
المارد
الطرقي
شكرا للمرور والمشاركه 00000تحياتي

ابوخالد
15 / 07 / 2006, 50 : 03 PM
جميل ..
ابومحمد...قصيده من العيار الثقيل..لا ترسمها الا ريشتك..
اشكر لك تواصلك معنا عبر هذا المنتدى..
تحياتي..

أبو فـلاح
15 / 07 / 2006, 19 : 04 PM
أبو محمد صح لسانك ياغالي
ويستاهل المدح من قيلت فيه هذه القصيدة ..
للإبحار في قصائدك طعم خاص فلا تحرمنا من جديدك وقديمك ...

أبو محمد
15 / 07 / 2006, 47 : 07 PM
الاخ ابو خالد
الاخ ابوفلاح
صحت ابدانكم ويشرفني مروركم

بلاعنوان
30 / 07 / 2006, 05 : 07 AM
ابومحمد...........صح الله اللسانك .وتقبل تحياتي

رماح الحب
01 / 08 / 2006, 48 : 03 AM
صح لسانك يا ابو محمد و اللع يعطيك العافية