المساعد الشخصي الرقمي

مشاهدة النسخة كاملة : تخيلو ان البنات يخطبون الاولاد واااااااااااااااااااااو


مناحي السادس عشر
08 / 06 / 2006, 04 : 03 AM
السلام عليكم ورحمة الله وبركاته
يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..
الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .
ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امك: هي شافتك و انت نازل من باص المدرسة (الله واكبر يالروز رايز)...
بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)
و تقول : اه اخيرا حسَت و خطبتني. ( لا لا لا والله ما يصير بس بكمل)
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر
وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي
ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا يبه دايما تحرجني انت واي واي
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه
ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها
تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)
لللللللوووولللللوووووشششششششش مبروك يا ولدي
الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخل خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...
الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد
و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر
ثم تلف وجهك وانت مستحي

وتمر السنوات
وبعد ما رزقكم الله بالعيال
وتتهاوشون

ويزيد حدة الخلاف
وتتخانقون ساعات و تنام و دمعتك على شنبك
وتزعل و تاخذ شماغك و عيالك و تروح لبيت اهلك
و تصلح امك ما بينكم و ترجع الحياة مثل اول

تربي عيالك و تطبخ الغدا لزوجتك
شو رأي الشباب و البنات.......................

عزووز
08 / 06 / 2006, 46 : 10 AM
هههههههههههههههه بصراحة

موضوع فله

كونان
09 / 06 / 2006, 08 : 01 AM
أنتحر ان جا هذا اليوم

مناحي السادس عشر
09 / 06 / 2006, 07 : 03 AM
كونان السعودية


كونان <<<<<<< (( ليه تنتحر ياخي اطلب الخلع))ههههههههههههه


اشكركم على المرور

تحياتي

عزووز
09 / 06 / 2006, 18 : 05 PM
تبي الصراحه؟؟












ما قريته كامل

كابتن ماجد
10 / 06 / 2006, 20 : 03 AM
ماقريته كامل ولا صالح؟



الله لايقوله ان اسوي ارهاب في بيتنا


وأشتري كم رشاش كلاشنكوف+4 ار بي جي

عزووز
10 / 06 / 2006, 26 : 03 PM
هههههههههههههههه عليك حفال فله

طالب الجنان
10 / 06 / 2006, 25 : 04 PM
هذا الخيال فاسد ، لأن الله لعن المتشبهين من الرجال بالنساء
والمتشبهات من النساء بالرجال واسأل الله إن يثبتنا على الحق
إلى إن نلقاه إنه سميع مجيب ويحفظ لنا رجولتنا ويحفظ للنساء
أنوثتهم ويدخلنا جنة النعيم .....
تقبلوا تحياتي ..........

محمد الحياني
10 / 06 / 2006, 21 : 08 PM
ههههههههه

مشكور اخوي الغالي


تخيل جميل

لكن عسى الله لايجيبه

مناحي السادس عشر
10 / 06 / 2006, 06 : 11 PM
كابتن ماجد

مجمع البحرين

محمد الحياني

اشكركم على المرور
بس ترى الموضوع خيال مش اكثر
وتقبلوا الموضوع كمزحة لا جد
ولا تنسى أول كلمة من اسم الموضوع
واني حاطة بالاستراحة



ودمتم بود