حلوة ومرة

[عبدالله المشعلي]

يا الله يا مرسل تباشير وإنذار=يا اللي ما يخفى عنك مثقال ذره
تجعل لنا حظ مع الناس الأبرار=فان الحظيظ اللي بفضلك تبره
أنت الكريم المعطي النافع الضار=واللي تنوشه رحمتك ما تضره
من جرب الدنيا تجرعه الأمرار=وما مر شمطان النواصي يمره
نرتاح مر ونفقد الراحة أمرار=وتمرنا الأيام حلوه ومره
يوم بيوم وعادة الوقت دوار=,واللي ما يرضى الهون لله دره
يا الحاضر الغايب سلامات الأسفار=غيرك صواديف الليالي تفره
يكفيك موجز عن تفاصيل الأخبار=كل الوطن طفنا ببحره وبره
لا نخفي أسرار ولا نكشف أسرار=وعلومنا من سمع فيها تسره
عشنا بكرامتنا على الفطرة أحرار=وأقدامنا تمشي على الأرض حره
نتعب ونتعبها على كل مشوار=وحنا القدر نؤمن بخيره وشره
نصبر ولو تحدنا النار للغار=والصبر حكمه والجهالة مغره
ونربط علاقتنا مع كل مغوار=اللي دروب المرحلة ما تغره
نختار بعض أنفار عن جملة أنفار=اللي لهم بالطيب كره وفره
وان اختلفنا بالنوايا والأفكار=كل يعود ماه في مستقره
ما تستوي رفقة فقارا وتجار=خمسة كواكب ما تسعها مجره
واللي يبي يختار له حق يختار=أما يهد الحبل وألا يجره
وأنا ليا شان الوفق والدهر جار=ماني على ما قيل قصاص جره
يسوقني سوق الجمل دمي الحار=لا ونست في قلبي من الهم حره
ما تستر من أهل المشاريه الأعذار=والله ما يخفاه مثقال ذره]عبدالله المشعلي

[مناحي معدي المسردي]

ابو مبارك صح لسانك
على هذه القصيدة التى يعجز التعبير عن اعطائها حقها
ويشرفني ان اكون اول من سجل اعجابه بها
ولا تبخل علينا بكل ما لديك فنحن بحاجه الى مثل هذه القصائد

[خيال القروى]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


وان اختلفنـا بالنوايـا والأفكـار
..............كـل يعـود مـاه فـي مستقـره
ما تستوي رفقـة فقـارا وتجـار
.........خمسة كواكب ما تسعهـا مجـره


الله الله يامبــــدع

صح الله لسانكـ

قصيــــــدة لامست الابداع

سجل اعجابي ومتابعتي يالقــــرمـ

دمت بـــود ..

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
...تحيــــاااتي القلبيـــه...
...مع خــااالص احترامي وتقديــري...
....اخوكــــ....
©.¸¸.© خيال القروى ©.¸¸.©

[ناصر بن هذال]

هذه مجاراه للشاعر عبدالله المشعلي عسى ان تنال رضاه ورضاكم:
,
,

ابيات شعر خلتها مثل الامطار=مثل المطر رعده وبرقه وقطره
حقوق نو(ن) أمطرت جملة اشعار=تفيض المسايل والمحاني تطره
يصوغها اللي من طويلين الاعمار=المشعلي للــه ..للـــه.. دره
ودي معه نقرا ونكتب ونختار=ابيات شعر من قراها تسره
حيث ان له في قمة المجد مسمار=ثبت مكانه عقب كره و فره
يالمشعلي حركت في الصدر مخطار=يوم الكواكب ماتسعها مجره
وعجبت من وقت تغير علي وغار=مامنه خير وليتـــه يكف شره
وضاقت علي الدنيا بلا سابق انذار =وما فتح من باب علينا تزره
وقت تغير فيه فكري والافكار=الناس غير الناس مهما اتشره
الاخ والصاحب واقاربك و الجار=ماترتجي من مثل ذولا مبره
تحتار كيف تميز الناس تحتار=والمجتمع باسره تغير مقره

[بلاعنوان]

الاخ عبدالله....الله.الله..علي هذه القصيده التي يعجز التعبير عن اعطائها حقها من المدح..رائع ياعبدالله.وصح الله اللسانك .تقبل تحياتي

[أبو فـلاح]

عبدالله المشعلي صح لسانك على هذه القصيدة
والحقيقة أنك هامة شعرية بارزة في هذا المنتدى ..نعتز ونفتخر أن تكون بيننا

خالص احتراماتي ياغالي

[عبدالله المشعلي]

الأخوان الأعزاء
( مناحي بن معدي ــ خيال القروى ــ ناصر بن هذال بن شري ــ بلا عنوان ــ جاش. نت )
السلام عليكم ورحمة الله وبركاته
شكري وتقديري لكم جميعاً على مشاعركم وأنا أعتبر نفسي خادم لهذا المنتدى الذي تميز عن غيره بالمصداقية والبعد عن المجاملات والمحسوبيات التي أفسدت كثيراً من المنتديات.
كما يسرني أن أكرر شكري للأخ ناصر بن هذال بن شري على هذه المجاراة التي أعتزبها
والسلام عليكم ,,,,,

[المارد]

عشنا في الدنيا على الفطرة أحرار =وأقدامنا تمشي على الأرض حـره
صح لسانك يابو مبارك قصيدة رائعة جدا

[عاشق المجد]

المشعلي قصيدة رايعه ونتظر منك المزيد

[وجــد]

ماشاء الله القصيده رائعه

[أبو محمد]

ابومبارك صح السانك 000رائعه 0وهاذي مثل ما يقولون البدو(من عين ماء)

[ابن عباد]

صح لسانك يا أبومبارك

على هذه القصيدة الرائعة

ننتظر إبداعاتك ، لتمتعنا بجديدك

تقبل أحترامي وتقديري

[محمد بن عايض المسردي]

ابو مبارك..قصيدة..تعجز المعاني..عن وصفها...تحياتي

[عبدالله المشعلي]

عبدالله المشعلي صح لسانك على هذه القصيدة
والحقيقة أنك هامة شعرية بارزة في هذا المنتدى ..نعتز ونفتخر أن تكون بيننا
خالص احتراماتي ياغالي
أبو فـلاح

سلمت ودمت

تشرفت بمرورك

تحياتي لك

[حاكم العفاريت]

هذه مجاراه للشاعر عبدالله المشعلي عسى ان تنال رضاه ورضاكم:
,
,

ابيات شعر خلتها مثل الامطار=مثل المطر رعده وبرقه وقطره
حقوق نو(ن) أمطرت جملة اشعار=تفيض المسايل والمحاني تطره
يصوغها اللي من طويلين الاعمار=المشعلي للــه ..للـــه.. دره
ودي معه نقرا ونكتب ونختار=ابيات شعر من قراها تسره
حيث ان له في قمة المجد مسمار=ثبت مكانه عقب كره و فره
يالمشعلي حركت في الصدر مخطار=يوم الكواكب ماتسعها مجره
وعجبت من وقت تغير علي وغار=مامنه خير وليتـــه يكف شره
وضاقت علي الدنيا بلا سابق انذار =وما فتح من باب علينا تزره
وقت تغير فيه فكري والافكار=الناس غير الناس مهما اتشره
الاخ والصاحب واقاربك و الجار=ماترتجي من مثل ذولا مبره
تحتار كيف تميز الناس تحتار=والمجتمع باسره تغير مقره



البيت الاول في العجز كلمة وقطره--ماهي راكبه مع القافية ابدا
العجز في البيت الثامن -- وما فتح من باب علينا تزره--
مكسور كسر مضاعف .

تم ادخال بعض الكلمات على القصيدة با الجبر جبرته القافيه والبحث عن المفرده يجب ان تكون القصيدة بقوة القصيدة التي تم مجاراتها هذا من وجهت نظري .

[الصريح]

صح السانك
قصيده تحكي واقع نعيشه ومعاناه رجل قرم .
شكرا من الاعماق ابو مبارك .

لو كنت شاعرا لكتفيت بالقرائه ولن اجرأ على مجاراتك خاصه في هذه القصيده .
تقبل مروري ولك مني

اطيب المنى,

[دامح الزلة]

ابومبارك الله يعطيك العافية

[عبدالله المشعلي]

عشنا بكرامتنا على الفطرة أحرار =وأقدامنا تمشي على الأرض حـره
صح لسانك يابو مبارك قصيدة رائعة جدا

المارد
سلمت ودمت .. تشرفت بمرورك
تحياتي