ردا على العبيدي

[أبو فيصـل]

العبيدي شايب مقصور شبه=والرجال افعال واقوال ومقامــــي
العبيدي ضارب له وسط صبه=والليالي السود يجلاها الظلامي
كل جاهل لاتكلم ماحســـــبه=بلغوه العلم مع زود احترامـــــــي
العبيدي نايم له في مهبـــــــه=اطلق بعيره والحقه الزمامـــــي
يخلف الهقوات صبي ماينبـــه=مثل هذا لاتكلم مايـــــــلامـــــياعتذر من عدم التنسيق لاني للاسف ماعرفت استخدا الايقونات وهذا سبب التاخير ولا الرد جاهز من اول مااطلعت على قصيده العبيدي

[العبيدي]

الله الله

ياسفير الحب خلك فالمحبه = لاتزم نفيستك مثل التهامي
العبيدي مسلم ويخاف ربه = من شيوخ القوم وكبار الاسامي
وانت ذيب((ن)) بس ريعك ماتذبه = تزبن الراكه لاشفت الطيرحامي
العن الشيطان والخفخاف كبه = لاتحسب المعركه كوعاب طامي
العبيدي يخلف العدوان نبه = ميسمه من عصرجده هود حامي

[سليمان القحطاني]

بسم الله الرحمن الرحيم
السلام عليكم ورحمة الله وبركاته
حبيت امر واسلم عليكم وانتوا مطاليق ياثنين
وشعار كبار اشكركم ودمتم بخير..

[ناصر بن هذال]

سفير المحبه للتنسيق:
1-ضع يساوي بين الابيات .
2-ظلل الابيات.
3-اذهب الى الشكل الذي يشبه الرساله في الايقونات واضغطه.
4-تنفتح لك صفحة تنسيق القصيده..واختر اللي يناسبك.,
,
,
تحياتي للشاعرين

[أبو فيصـل]

العبيدي قال قول ثم نشبه=ساهر بالليل ماذاق المنامــــــــــي
مدعي الاسلام لاتقربه كبه=والجمل معروف له راس وسنامي
انت صقر يوم صقاره جلبه=مايقدر بالثمن فرخ الحمامـــــــــي
من طلب بالله ثمن ماطلبه=العن الشيطان ياوافي الذمامـــــــي
السفير اليانوى راس يلبه=سيفنا مصقول لحد الصرامــــــــــي

[أبو فيصـل]

ابو هذال حاولت كثير بس مافتحت معي الايقونات ارجو يابو هذال ولو كلفت عليك تسوي لها تنسيق من عندك مع جزيل شكري وامتناني

[العبيدي]

مانبيها بيننا ذ م ومسبه = ودنا بالطيب ونكب الحرامي
وابتلشنا في السفير وظاع حبه = مادرى ان الطق يثر فالحامي
ماتحت رمل الصحاري غير ظبه = وفوق وكر العز ابومخلاب دامي
العبيدي لانوى بالعظم جبه = ويجهل الدكتور تجبير العظامي
السفير اخطا وانا طحان حبه = وان رماني رميته من غير رامي

[أبو فيصـل]

العبيدي موتره خرده قلـبـــــــه=يالله تكفينا غدى بين الحطامـــــــــي
بنصحه يجعل على اذانه منبــه=وانصحوه اليا بغى العلم التمامــــي
ماتحت روس المفالي غير كلبه=ولاظهر فوق الجبال الا الهوامــــي
السفير اليا ورد ماكم يصـــــــبه=يارد الما وانت وردك دوم ضامـــي
العبيدي بتهبهب له بجلبــــــــــه=واضربه في الراس لاشفته شمامي

[ناصر بن هذال]

شكرا للشاعرين...
’
اخوي العبيدي.سفير المحبه

..ترى نبي منكم قصيده من قصائدكم وثمن القصيد طلبته كما تعلمون.

[العبيدي]

مانبي نذكر علوم ولا نشبه = كلمة الرجال يقفاها ملامي

وان قضينا وقتنا هاته وصبه = بارت الصحبه وحظ ابليس قامي

عب فكرك من علوم الطيب عبه = والرديه لاتباع ولاتسامي

واسمك المعروف ملي قال غبه = أضهر اسمك والخبر برد وسلامي

والجريح المنجرح ناتي بطبه = لين يبرى الجرح كان الجرح دامي

[أبو فيصـل]

منسبي معروف يالي جاهل بـه=مسردي ولي الفخر بين الانامي
حن مسارده جميع نفتخر بـــه=يشهد التاريخ عام بعد عامـــــــي
العبيدي ضايع مادل دربــــــــه=من يرد العلم يكد لستلامـــــــــي
ماقرينا سيرته في كل كتبه=ولا عرفنا مرجع القرم الهمامـــــي
ياعبيده منتسب لك والنعم به=غير قصدي وين مركاز الخيامـي

[عاشق المجد]

يعطيكم العافية العلوم الزينه تجيبونها والرديه كبوها، الله يوفقكم

[أبو فيصـل]

يالي تجون العبيدي بلغوه السلام=قولوله اني عفيت لوجه سبحانه
وليا سألكم عن اسباب العفو ياكرام=المسردي عادته ماصك بيبانه
يجهلك من لايعرفك يارفيع المقام=ومثلك ترى يدمح الزله من اخوانه
يفخر بكم يالعبيدي كل رجل همام=والفخرلي يوم انا العب على شانه
لاتحسب ان البضاعه عندنا ماتسام=والكل شي ترى قدره وميزانه
انا اعتذر عن خطاي ولاتزيد الملام=ولاهوب عيب اعتذار الرجل واحسانه

[ناصر بن هذال]

اخي سفير الحبه احيي فيك هذه الشجاعه ونبل الاخلاق لاعتذارك للعبيدي وهذا يعكس اصلك الطيب.
,
ولكني ارى ان لا يانبك ظميرك اكثر من اللازم فهذه المحاوره لازم تحمى الملعبه "مهوب امدحني وامدحك"
,

والعبيدي واضح انه راعي محاورات وبيقدر انشالله..ثم انه لم يكن خصما سهلا ابدا والغايب عذره معه.
,

احييك واحييه فقد امتعتمونا جدا جدا.

[بلاعنوان]

الاخ سفير المحبه ...الاخ العبيدي..محاوره رائعه وانا كنت متابع لها وكم كنت اتمني ان تستمر اكثر ولاكن على قول المثل (ما من زين كثره)الله يعطيكم العافيه وفعلا امتعتونا ..تقبلو تحياتي

[الذيب2010]

صح الله لسان الشاعرين القديرين على هذه المحاوره الرائعه ويسلم سفير المحبه ابو فيصل على هذه الابيات الاخيره التي تثبت طيبه وطيب معدنه تقبل احترامي وتحياتي اخوكم الذيب

[شباب ضو المناره]

صح الله لسان الشاعر ابو فيصل سفير المحبه والشاعر العبيدي الحقيقه هذه المحاوره من اجمل المحاورات في هذا المنتدى وهم شعار كبار ويا ليت يعودون للمنتدى مره اخرى