عبدالله المشعلي
22 / 05 / 2006, 25 : 10 PM
هذه القصيد لها مناسبة خاصة وأهديتها للشاعر / عايض بن حيبان المسردي
دنياك فيها يخطي الحظ ويصيب=ولا يصيب بن آدم إلا نصيبه
وان طحت من بين اليدين القواضيب=لا تزهم اللي فيه شكة وريبه
ما تنفعك فزعت قريب المحاضيب=من جوّد الحبل الردى يرتخي به
كم واحد تحضر مراجله وتغيب=ينسج خيال والخيال ايغدي به
وان باروا الخلان والموقف صعيب=هوّن على نفسك تهون المصيبه
يكفيك صاحب عن كثير الأصاحيب=الصاحب اللي ما يبور بصحيبه
الطيب اللي عادته يكسب الطيب=يغمرك معروفه وجوده وطيبه
اليا زهمته جاك من نفسه مجيب=يقضي اللزوم وسعد من يعتزيبه
وقت النوايب يرتكي للمواجيب=ضلعه متين وطيب ساسه يجيبه
هذاك ( ابن حيبان ) شوق الرعابيب=قرم ولد قرم علومه عجيبه
أبوه ( حيبان ) مدربه تدريب=على المراجل ثم خذاها كسيبه
وجده ( مناحي ) ماضي له تجاريب=صيته ظهر كل الرجال تحكي به
حر مذبه في طويل المراقيب=وله هدّة ما هيب تخطي الضريبه
من روس قوم ينزحون الأجانيب=عن دارهم وقت السنين العصيبه
ينزحون القوم غصب بلا طيب=وهيباتهم منها ديرهم مهيبه
( مسارده ) مثل السيوف المحاديب=أحداد تقص العظام الصليبه
سكان ( وادي جاش ) شرق وتغريب=ومن فيضته لى فرعة أعلى شعيبه
أهل النخيل اللي جريده مهاديب=وعذوق تمره يانعات رطيبه
بواسق يشرب قراح المشاريب=تروى حياضه من سواقي فليبه
وأهل القصور المشرفات المجانيب=زين بناها والقواعد قطيبه
متعاليات بين حمر المهاضيب=تشوفها من ابعيد كنها قريبه
وان جيتهم تلقا الكرم والتراحيب=يستقبلونك بالصدور الرحيبه
ملفا الغريب اللي يبيله معازيب=نعم بهم شيبانهم والشبيبه
الكل منهم يجتلد كنه الذيب=ويدوّر الناموس دورة ذهيبه
عبدالله المشعلي
دنياك فيها يخطي الحظ ويصيب=ولا يصيب بن آدم إلا نصيبه
وان طحت من بين اليدين القواضيب=لا تزهم اللي فيه شكة وريبه
ما تنفعك فزعت قريب المحاضيب=من جوّد الحبل الردى يرتخي به
كم واحد تحضر مراجله وتغيب=ينسج خيال والخيال ايغدي به
وان باروا الخلان والموقف صعيب=هوّن على نفسك تهون المصيبه
يكفيك صاحب عن كثير الأصاحيب=الصاحب اللي ما يبور بصحيبه
الطيب اللي عادته يكسب الطيب=يغمرك معروفه وجوده وطيبه
اليا زهمته جاك من نفسه مجيب=يقضي اللزوم وسعد من يعتزيبه
وقت النوايب يرتكي للمواجيب=ضلعه متين وطيب ساسه يجيبه
هذاك ( ابن حيبان ) شوق الرعابيب=قرم ولد قرم علومه عجيبه
أبوه ( حيبان ) مدربه تدريب=على المراجل ثم خذاها كسيبه
وجده ( مناحي ) ماضي له تجاريب=صيته ظهر كل الرجال تحكي به
حر مذبه في طويل المراقيب=وله هدّة ما هيب تخطي الضريبه
من روس قوم ينزحون الأجانيب=عن دارهم وقت السنين العصيبه
ينزحون القوم غصب بلا طيب=وهيباتهم منها ديرهم مهيبه
( مسارده ) مثل السيوف المحاديب=أحداد تقص العظام الصليبه
سكان ( وادي جاش ) شرق وتغريب=ومن فيضته لى فرعة أعلى شعيبه
أهل النخيل اللي جريده مهاديب=وعذوق تمره يانعات رطيبه
بواسق يشرب قراح المشاريب=تروى حياضه من سواقي فليبه
وأهل القصور المشرفات المجانيب=زين بناها والقواعد قطيبه
متعاليات بين حمر المهاضيب=تشوفها من ابعيد كنها قريبه
وان جيتهم تلقا الكرم والتراحيب=يستقبلونك بالصدور الرحيبه
ملفا الغريب اللي يبيله معازيب=نعم بهم شيبانهم والشبيبه
الكل منهم يجتلد كنه الذيب=ويدوّر الناموس دورة ذهيبه
عبدالله المشعلي