الشاعر البطران ياقف وانا عجلان

[العبيدي]

سلام اسلام سنه للرجال اهل الوفا والطيب = هل العادات واهل السلم نسل العود قحطاني

ابي شاعر من الشعار يسري في مسار الذيب = نسج النفس ساعه في زمنها والعمر فاني

[الطرقي]

الا يامرحبا (ن)بك ياالمسلم واثني الترحيب=بعد ماجابك الله حامل (ن)اسمي وعنواني
على ماتشتهي سرالركايب والنصيب يصيب=علينا منك شرهه لاسريت الليل وحداني

[عاشق المجد]

يعطيكم العافية ومحاوراتكم شيقة وجديدة ، ونتطلع للمزيد منكم والله يحفظكم.

[ناصر بن هذال]

الله الله...

بدايه قويه وتستاهل التثبيت .

[الطرقي]

عاشق المجد 00شكرا" على مرورك
ناصر بن هذال 000شكرا" على التثبيت 0 مع انني اشك في مواصلة العبيدي للمحاوره 0 لانقطاعه حوالي اسبوع 0عسى المانع خير

[ناصر بن هذال]

هذا الكلام اللي مايصلح...هههه

[العبيدي]

يدوم لك البقا والراس يالطرقي غزاه الشيب = عسى الله يلعن الشيطان دامه سبة احزاني

افا يلي تشك الشك ماهوعندنا والريب = تراني من بني عمك ماني صربي ونصراني

[الطرقي]

تحت حكم الطبيعه والحياه تدور بالترتيب=مثل ما تمشي افصول السنه بشكال والواني
انا بينت رائي واعتقد ما في الصراحه عيب=انا ماني بقول انك عدو لي وقوماني