المساعد الشخصي الرقمي

مشاهدة النسخة كاملة : محاوره بين عايض بن حيبان ومناحي بن معدي

مناحي معدي المسردي
09 / 05 / 2006, 49 : 10 PM
الأخوة القراء السلام عليكم ورحمة الله وبركاته وبعد
نأمل ان تحوز هذه المحاوره على رضاكم واستحسانكم
ونرجو عدم الملل لأنها سوف تكون طويله


سلامي لعايض بين ربعه وخلانه = سلامي على اللي ياخذ العلم ويرده
ترى النجمتين اللي معك مالها خانه = مع اللي بخمس نجوم والشيخ من جده
أبو محمد
10 / 05 / 2006, 27 : 03 PM
هلا مرحبا والحمد لله سبحانه=رجع صاحبي من بعد ماغاب له مده
يعد النجوم وكل نجم بميزانه =يبيها توقف كل قرم على حده
مناحي معدي المسردي
10 / 05 / 2006, 48 : 03 PM
انا لي صديق ودي العب على شانه = وهو لاسألته بين وده ولا وده
ليا زان وقته وامبسط زان دندانه = ولا ضاق صدره يرخي الحبل ويشده
أبو محمد
11 / 05 / 2006, 48 : 06 AM
الا ياصديقي تو ابو زيد ميدانه=وكلا على ماقيل من زنده وبنده
يحول البحر من دون لوه ومرجانه =واظنك تعرفه زين في جزره ومده
مناحي معدي المسردي
11 / 05 / 2006, 57 : 03 PM
عسى بضعة الشاطر تجيب اجر دكانه = يحب التجاره واجر بضعته ماسده
رجال الادب والفن بالحيل زعلانه = يقولون مالقيوا ثياباً على قده
محمد الحياني
12 / 05 / 2006, 13 : 04 AM
صحت السنتكما يالذيااااااااااااااابة

عيني فلا هلت
أبو محمد
13 / 05 / 2006, 31 : 11 PM
لونها كذا ماشفت للدين ديانه =ولاشفت من هو يصرف المال ويعده
انا اقول ذا الموضوع ما شاني بشانه =ولا ازيد له في كيل صاعه ولا مده
مناحي معدي المسردي
15 / 05 / 2006, 37 : 12 AM
يقولون ليلى تالي الوقت طفشانه = من العاصمه والظاهر انها تبي جده
يخونون ليلى يوم ماهي بخوانه = على شان ليلى تمسك الخيط وتهده
أبو محمد
15 / 05 / 2006, 43 : 05 PM
من اللي عطاك العلم يعطيك برهانه= انا ظني انه جاب ذا العلم من عنده
على الوضع الاول بيت ليلى وبستانه=ولاحدا" بنا من فوق بنيه ولا هده
الشامخ1
15 / 05 / 2006, 57 : 07 PM
الله يعطيكم العافيه وعلى القوه
مناحي معدي المسردي
16 / 05 / 2006, 24 : 06 PM
شكراً للاخ محمد الحياني
والاخ الشامخ


لو انها بكيفي لعن فلان شيطانه = ابا اتوبه واعطيه كف(ن) على خده
وانا ماعلى بفلان لو زعل فلانه = لكن انتبه في اللعب هجمات مرتده
أبو محمد
18 / 05 / 2006, 54 : 04 AM
كلام" صحيح"غير نيتك فسقانه=خدود العرب من دونها حربة حده
سقط ربحها المرجي ولاهي بخسرانه=وهجماتها في كل الاوضاع منصده
مناحي معدي المسردي
18 / 05 / 2006, 51 : 05 PM
انا قلتلك وصفه وبينت عنوانه = ولا باقي الا ابين اسمه واسم جده
واشوفك تدافع عنه كنك اكبر اخوانه = وعلى كل حال الارض للطرد ممده
أبو محمد
19 / 05 / 2006, 19 : 03 AM
هل العرف قالو زبدة الهرج نيشانه=ولكن بد اللي على خاطرك بده
عسى مطوع الرحمن مايجرح ايمانه=لجل حلفنا في محارب الشرك والرده
مناحي معدي المسردي
20 / 05 / 2006, 31 : 10 PM
انا اقول ناسٍ صفقوا معه غلطانه = زعل مازعل وان شفته معصبٍ هده
مخابي اليتاما قبل عامين مليانه = وهذي السنه مافيه هاته ولا وده
أبو محمد
21 / 05 / 2006, 32 : 06 PM
انا اقول خل اعجيم يرطن لعجمانه=تمهل ودورات الليالي بتحتده
محى الوقت فرعون الكنانه وطغيانه=نهايته من مخبا اليتيم وعلى يده
عاشق المجد
21 / 05 / 2006, 13 : 08 PM
اكشركم على المعنى الجيد بس انتبهو.
مناحي معدي المسردي
22 / 05 / 2006, 01 : 07 PM
الاخ عاشق المجد
شكراً على مرورك لكن لا يروح تفسيرك بعيد
المعنى والله ماخرج عن المنتدى


عسى الله يخلي كل عود لورعانه = وانا اخاف لا طالت يجي بيننا هده
ولا يابن عمي كل عود بدخانه = ولكن بعض الناس بالعكس منهده
أبو محمد
23 / 05 / 2006, 24 : 07 PM
عسى الله يفتح تو دعوتك بيبانه=مدامك دعيت ابها والاعصاب منشده
الا يابن عمي كل زند بصواًنه =حقيقه وعنها لد باب القشر لده
المارد
24 / 05 / 2006, 28 : 01 AM
ابو معدي, ابو محمد ..يعطيكم العافية
بلاعنوان
24 / 05 / 2006, 22 : 01 PM
ابوراكان..ابومحمد... يعطيكم العافيه علي هذه المحاوره الشيقه..ونحن بأنتضار المزيد
الشامخ1
24 / 05 / 2006, 17 : 08 PM
شكرا لشاعرين ابن سمران وبن حيبان على هذة المحاورة الشيقه
ابوعساف
26 / 05 / 2006, 40 : 10 PM
الصفوف تعبت يارياجيل وين انتم
بعدين سريتو على الرجال يارياجيل وانت يابو محمد لعاد تدافع عنه عط ابو راكان على كيفه
تراه حول علم
يعني اني عارف السالفه هههههههههههههههههههههههههههههههههههههه
مناحي معدي المسردي
26 / 05 / 2006, 56 : 11 PM
الاخ المارد
الاخ بلا عنوان
الاخ الشامخ
الاخ ابوعساف
شكراً لكم على المرور
وتراك حول علم يابو عساف


عطيناك يا بوزيد خوخه ورمانه = وصديت يابو زيد والصده الصده
بعد ماشبكنا راس علمك بكرعانه = وجدنا علومك لا محابس ولا سده
ابوعساف
27 / 05 / 2006, 09 : 12 AM
عاش ابو راكان
وين انت يابو محمد
أبو محمد
27 / 05 / 2006, 38 : 02 AM
مادام العطايا من ثمر كل ريانه = فلا لك عطا ء وان كان لك شي فرتده
لونك تميز سية العلم واحسانه= عرفت اختلاف الفتح والكسر والشده
مناحي معدي المسردي
28 / 05 / 2006, 29 : 12 AM
فواد الصغير حزن والعين سهرانه = ولا مد قالوا ياولد ويش ذا المده
خدعه اللقب وانته والايام ولسانه = وصدق وكد ولاجنا شي من كده
أبو محمد
28 / 05 / 2006, 58 : 03 PM
قلوب الخوارج سود واكبود مرضانه=ولابه نوايا (ن)بيض بقلوب مسوده
عسى الله يجيب الغيث وتهمل امزانه=وتنطش جمال اعقيل بحمول الاشده
خالد بن نايف ال مسعود
29 / 05 / 2006, 58 : 01 AM
ابو راكان

ابو محمد


اسعد الله ايامكم

واااااصلو وانا في الصف

اخوكم
خالد
أبو فـلاح
29 / 05 / 2006, 41 : 12 PM
ابو راكان وأبو محمد لاهنتوا ....أتمنى منكم الاستمرار على الأقل أن نرى أعضاء بحجم أبو عساف وخالد بن نايف آل مسعود يعودون لمصافحة هذا الموقع من خلال هذه المحاورة الشيقة بين شاعرين كبيرين .
ناصر بن هذال
29 / 05 / 2006, 45 : 07 PM
اخوي نايف..وضح لنا الله يعافيك بصف من بالضبط؟؟؟؟
,
من ناحيتي انا في صف ابو محمد.
مناحي معدي المسردي
29 / 05 / 2006, 51 : 11 PM
الاخ خالد بن نايف
الاخ جاش نت
الاخ ناصر بن هذال

شكراً على مروركم وهذا هو المطلوب


هجرني وانا ماني بداري بهجرانه = وهو يحسب اني جالس في حرا وده
كثير الكلام احاول اصك بيبانه = يقربع كما صامولة في وسط عده
أبو محمد
30 / 05 / 2006, 51 : 05 AM
تضَيع وتطلب حفظ ربي وعقلانه=ولو عاد لك يمكن تلقاه وتخده
فتحت اكثر البيبان وتريد صكانه=ولابد شان جبت موضوعه تسده