ناصر بن سالم
08 / 01 / 2003, 54 : 03 AM
اعزائي كم كنت اتمنى ان لا اكتب هذه القصيده ولكنها اسرتني
عندما زرت من كنت اراه صديق صدوق ولا اقصد الا السلام وتجديد العهد
لكنه اخذ يسرد لي القصص عن الأحراجات من الواسطه ففهمت انه فاهم غلط وخرجت وانا اترحم على الأمير الشاعر محمد السديري
فكانت هذه القصيده واتمنى ان تنال رضاكم
جاز السديري
-
قلّط دلالك ياولد ضاق بالي=ودي اشوف النجر والصفر جلاّس
وان كان تنشد ياولد وش جرالي=اقول مالي بمقعد الهم مجلاس
بين العرب ياخوك كني لحالي=كني بربعٍ خاليٍ مابه اوناس
جاز السديري من الرفيق الموالي=وانا قطعت الحبل واركنت للياس
مرحوم يا شيخٍ رقيت المعالي=انا اشهد انك قلت قولٍ على ساس
انا اشهد انك قلت قولٍ زهالي=قولٍ يقدر بالميازين بالماس
قولك لقيته في بطون الليالي=كنه على حالي مقدر بمقياس
كانك شربت المر من كف غالي=انا شربت المر كاسٍ ورى كاس
وان كان قصرك يالسديري هيالي=قصري خشب يا شيخ والباب قرطاس
وان كان طيرك بوم يمسي يلالي=طيري صعو يا شيخ ما هو بقرناس
لقيت انا ان المحزم اليوم خالي=تبدل المذخور بقفوش ونحاس
ووش لذّة الدنيا ليا صار مالي=في محزمي ما يزيد بالعمر نوماس
ومرحوم يامن عاش في راس عالي=كنه على روس المراقيب حرّاس
عسى مقامك بالجنان العوالي=وعساك ترد الحوض مع صفوة الناس
-
ناصر بن سالم
-
عندما زرت من كنت اراه صديق صدوق ولا اقصد الا السلام وتجديد العهد
لكنه اخذ يسرد لي القصص عن الأحراجات من الواسطه ففهمت انه فاهم غلط وخرجت وانا اترحم على الأمير الشاعر محمد السديري
فكانت هذه القصيده واتمنى ان تنال رضاكم
جاز السديري
-
قلّط دلالك ياولد ضاق بالي=ودي اشوف النجر والصفر جلاّس
وان كان تنشد ياولد وش جرالي=اقول مالي بمقعد الهم مجلاس
بين العرب ياخوك كني لحالي=كني بربعٍ خاليٍ مابه اوناس
جاز السديري من الرفيق الموالي=وانا قطعت الحبل واركنت للياس
مرحوم يا شيخٍ رقيت المعالي=انا اشهد انك قلت قولٍ على ساس
انا اشهد انك قلت قولٍ زهالي=قولٍ يقدر بالميازين بالماس
قولك لقيته في بطون الليالي=كنه على حالي مقدر بمقياس
كانك شربت المر من كف غالي=انا شربت المر كاسٍ ورى كاس
وان كان قصرك يالسديري هيالي=قصري خشب يا شيخ والباب قرطاس
وان كان طيرك بوم يمسي يلالي=طيري صعو يا شيخ ما هو بقرناس
لقيت انا ان المحزم اليوم خالي=تبدل المذخور بقفوش ونحاس
ووش لذّة الدنيا ليا صار مالي=في محزمي ما يزيد بالعمر نوماس
ومرحوم يامن عاش في راس عالي=كنه على روس المراقيب حرّاس
عسى مقامك بالجنان العوالي=وعساك ترد الحوض مع صفوة الناس
-
ناصر بن سالم
-