من يبشرني وبعطيه البشارة

[الجوال2]

السلام عليكم ورحمة الله وبركاته
أخواني الكرام ....أخبار الغيث والأمطار
تحي القلوب وتطرب النفوس..وأنا رأيت
عبر أحد الأرصاد وعلى منطقة الجنوب وبالذات
تثليث وجاش سحب عسى أن تكون ممطرة
أرجو من الأخوة موافاتنا بأخبار الغيث ودمتم بخير

[اوراق مدفونه]

ابشرك يالجوال اخبار الغيث كالتالي..


قايله طال عمرك عموديه على القله .. سمعت بصكة الزيزو هذي هي.

واذا مكيفك مايشتغل عز الله انك بتحضر في الطواري اخر الليل لأنك بتصاب بضربة شمس

هذا ان حصلت سيارتك تمشي لأن الشمس بتعطب المروحه وبتستهلك الاديتر

و لاكن خلك بعيد احسن لك لأن الوضع هنا ماتقدر تطلع من بيتك الا في الليل ..ياخوك قسم بالله ان كنه اختفى العصر يعني ظهر وقايله الى صلاة المغرب

وبعدين ياخوي الحسد ماخلى المطر ينزل راحو ذيك السنه بذواليقهم (اقصد ثيابهم ام ذواليق) لأبها يشاركون في الترحيب بأبو متعب وجا المطر والغيث عقب ماراحو بشوي لاكنهم مابطو ارجعو وارجعت القايله وغاب المطر


يعني باختصار لاتنشد من الجو لأنه معروف ...حار جاف صيفا .. قايله ضو شتاء

فصول السنه عندنا الصيف والقايله والشموس وصكة الزيزو

[ناصر بن هذال]

لاحول الله ياوراق مدفونه....روعتنا الله يهديك.

هههههه..

[الجوال2]

يا الله من مزنةٍ هبت هبايبها *** رعادها بات له في البحر زلزالي
ريح العوالي من المنشا تجاذبها *** جذب الدلى من جباء مطوية الجالي
أخي ...الذنوب والمعاصي لاشك أنها سبب كل بلاء...وإن شاء الله الأيام القادمة
أنتظرك تبشرني بغيث يسيل وادي الراك والثفن وتثليث ...وتسعدني بنشرة
جوية غير هذه النشرة :3: ودمت كماتحب أخوكم من الرياض الجوال2