المساعد الشخصي الرقمي

مشاهدة النسخة كاملة : شماغ القرقاح( لقحطان )هديه النادر فلاح .


عبدالله ابن شايع القحطاني
18 / 02 / 2006, 47 : 02 PM
بسم الله الرحمن الرحيم
السلام عليكم ورحمة الله وبركاته .وبعد
أخي العزيز الغالي شاعر قحطان العملاق / فلاح القرقاح
حقيقه عندما رأيت عبر موقع قحطان موقفك في حفل العتبان مع تركي المطيري وربعه ، عندما كسيت ربعك الموجودين من قحطان
بشماغك على الملأ عندما أعجبتك وقفتهم في الصفوف شاش راسي وأرجو أن تقبل أنت وصبيان قحطان هذه الهديه البسيطه والقليله
في حق الجميع . وهذا رابط الموضوع لمن لم يتابعه .
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
صلو على النبي .

والله إنه شاش راسي وطوّحت العقال = ولعن ابو راس ليا شاف فعلك مايشيش
المواقف تحتميها صناديد الرجال = والعزيز يعيش بالعز ولاّ.. لايعيش
كل موقف ياكحيلان له فعل ومقال = وأنت لك بالعز قول وفعل مايطيش
يوم حمي الراس والصف للـــه الكمال =عشت ياذخر القحاطين وصفوفك تعيش
وإن رميت شماغ راسك على روس الطوال = ربعك اللي بيّضو الوجه من ربع الدويش
أنت وافي يابن عمي وراسك مايطال = شاش من طيبه ويفداه دُرم ماتشيش !
رايتك بيضا وعزك على شم الجبال= رافعه بأفعال قرمٍ على العليا يهيش
وارثٍ المدح من روس ماضين الفعال = جد ابوك وجد جدك ولك جدٍ يجيش
كل خافق بإسم فراج ليجاله مجال = تختلج فيه المشاعر على الذكرى عطيش
فارسٍ سطر على العز مجدٍ مايزال = يوم كان العمر يجلب على خيل وجيش
نحتمي يادرع جنبي ليا كبر المقال = بين عطران الشوارب وجا للدم رتيش
صفنا ثابت ونرسي كما ترسي الثقال = شُمّخٍ صُمٍ صلافيح مافيها هشيش
في جنوب وشرق وفجوجها غرب وشمال = ننثني بالقُب والحدب في اليوم الوحيش
نكتب التاريخ سيرة ويكتبنا امتثال = واقعٍ ماغيّره جاحد وفكرٍ غشيش !
بالظفر والمدح عزّه وقدر وطيب فال= عهدنا من هود لا اليوم لآخر من يعيش
والحقيقه ما نضيّع ولا نقطع وصال = كل حرٍ له مخالب وجنحان وريش
ما على باقي العرب زود ذخر وراس مال = والاصايل فرقها مايعارضها الكديش
والسلام ختام والنور من نور الهلال = واذكر الوالي وأصلي على صفوة قريش
الشاعر / عبدالله بن شايع ال بوسكيته الزهيري القحطاني

ناصر بن هذال
18 / 02 / 2006, 13 : 08 PM
اللهم صلي عليه وسلم.

صح لسانك وقصيده عالميه من الدرجه الاوى على كل الاصعده ولاهي غريبه عليك.

والقرقاح معروف بحميته لقحاطين في كل محفل وهو نموذج مشرف لشعراء قحطان في الجزاله والحميا كما ذكرت.

عـــز الـــخـــوي
20 / 02 / 2006, 27 : 08 PM
صـــــــــــح اللسانك وبيض الله وجهك على القصيده الرائعه

والشاعر الكبير المعروف شاعر النضم والمحاوره/فلاح بن محمد بن فراج بن ريفه القرقاح الفهري العبيدي القحطاني

اكبر من مانقول وهو الشاعر الوحيد الذي يمثل قبايل قحطان

وهو كفو لسم شاعر قحطان

وبيض الله وجهه وافي ويسد اللزوم

اخــــــــــــــــــوكم

عــــــز الــــخـــوي

أبو فـلاح
25 / 02 / 2006, 22 : 04 PM
صح لسانك يابو شايع عزالله قصيدة جزلة
وموقف يحسب لبو محمد ....

الراصد
27 / 02 / 2006, 31 : 11 AM
اخي عبدالله قصيدة من شاعر كفو في شاعر كفو

قرأت قصيدتك فانتشوت ثم شاهدت المقطع فزدت أنتشاءاَ
وشاش راسي ...

لله درك ودر ابا محمد

مازلنا ننتظر تواجد شاعر بحجمك في هذا المنتدى فلا تحرمنا ياغالي

ابو طلال
27 / 02 / 2006, 06 : 04 PM
بيض الله وجهك يابو شايع هذى المواضيع ولا بلاش وظنى لو انى جنبك الحين سويت مثل ما سوى القرقاح مع قحطان

كاشخ 24 ساعه
20 / 03 / 2006, 34 : 05 AM
صح لسانك يالذيب

عبدالله ابن شايع القحطاني
09 / 05 / 2006, 03 : 08 PM
ابو هذال


أرحب مليون


شاكر مرورك الكريم


حفظك الله