ماهر الماهر
08 / 02 / 2006, 00 : 10 AM
أبو الخساير أحد أفراد المجتمع المحترمين جداً، عنده ارتباطات والتزامات تدفعه لأن ينمي أمواله وهو حريص على الكسب الحلال، باع سيارته العراوي بـ 10 آلاف ودخل سوق الأسهم السعودية بناء على توصية أحد الزملاء، نزل رصيده يوماً بعد يوم وتغيرت نفسيته وأصبح لا يخرج من البيت عند افتتاح السوق، وفي يوم من الأيام وهو يبحث في أحد محركات البحث عبر الإنترنت وقعت عينه على هذا الموقع [[أبو نتعه للاستشارات والتوصيات للأسهم السعودية]]
دخل أبو الخساير الموقع ووجد هذه العروض:
1- التوصية االذهبية 1000ريال.
2- التوصية الفضية 500ريال.
3- التوصية البرونزية 300ريال.
4- التوصية الفالصو 100ريال.
ملاحظة: سدد أولاً ثم أتصل برقم الهاتف لأخذ التوصية، وللمعلومية فالمبالغ غير قابلة للاسترجاع!!
دفع أبو الخساير 100ريال وأتصل بأبي نتعه:
أبو الخساير: الله يصبحك بالخير يا بو النتعات أنا سددت وأبغى طال عمرك التوصية رقم 4.
أبو نتعه: التوصية... إذا أرتفعت قيمة السهم فبع وإذا أنخفضت فاشتر.
أبو الخساير: مقدمة جميلة، عطني التوصية الآن!
أبو نتعه: هذي هي التوصية.
أبو الخساير: يا خوي هذه التوصية تعرفها حتى جدتي، عندك غير هالكلام وإلا رجع فلوسي؟!
أبو نتعه: مع السلامة... ينقطع الخط.
جلس أبو الخساير يفكر، ويلوم نفسه ويقول: مائة ريال كان جابت لي كرتون دجاج بدل هالتوصية الفالصو. لكن كما هي عادتنا ما نرتدع من أول لكمة بل لا بد نجرب غيرها ولا نعتبر بأحد إلا بأنفسنا.
سدد للتوصية البرونزية وأتصل بأبي نتعه...
أبو الخساير: هاه يا بو نتعه دفعت مال قلبي للبرونزية، وعساك تفيدني هالمرة هات ما عندك.
أبو نتعه: إذا شفت السوق طمطم (نسبة للطماطم) فاشتر وإذا حبحب (نسبة للحبحب) فبع.
أبو الخساير: وراك سكت؟ لا تقول خلصت التوصية؟!
أبو نتعه: مع السلامة... ينقطع الخط.
أبو الخساير: قطع الله هالصوت إللي ما سمعته وشفت خير.
400ريال راحت عليك يابو الخساير، لكن صدق من سمّاك أبو الخساير، أنت وينك ووين التجارة وجهك ما هوب وجه تاجر... مادامها خربانه خربانه باشوف التوصية الفضية.
سدد أبو الخساير 500ريال وأتصل بأبي نتعه...
أبو الخساير: شوف هالمره 500ريال ماهيب لعبة أبغى توصية على قدّ الخسارة، وأرجوك ما تقطع الخط!!
أبو نتعه: إذا شفت الطلبات كثيره على سهم بعينة فاشتر وإذا شفت العروض كثيره فبع ولا تشاور، فالموت مع الجماعة رحمة.
أبو الخساير: ما فهمت ممكن توضح لي وتراني دافع 500ريال كانت بتجيب لي نعيمي!!
أبو نتعه: أنت ما جربت إذا نزل السوق وخسرت وكلمك واحد تعرفه ولقيته خسران مثلك، ما تحس بشوي راحة؟!
أبو الخساير: عزّ الله ما كذبت.
أبو نتعه: فهاذي هي التوصية... ينقطع الخط.
أبو الخساير... (يكلم نفسه) طيب أنا وش أستفدت من هالتوصيات، يا حسرتي يالتسع ميه إللي خسرتها، لكن ما بقي إلا الذهبية، أجل أطقها نسبة وأدفعها!!
أبو الخساير: يا بو نتعه أنا دفعت 1000ريال وهالمرة مالك عذر لازم تعطيني توصية على قد الفلوس إللي دفعتها وإلا ترى بأدمر موقعك وما يحصل لك طيب!!
أبو نتعه: هذي التوصية هي حصيلة خبرتي في السوق، شوف أنا حظي دايماً زفت عمري ما شريت إلا وينزل السهم ولا بعت إلا ويرتفع.
أبو الخساير: إن شاء الله عمرك ما ربحت، وأنا وش عليّ، عطني توصيتي إللي بألف ريال!
أبو نتعه: مثل ما قلت لك حظي مدحدر دايم، فإذا شفت بين العروض سهم واحد (1) فهذا أنا وهذي إشارة لك أشتر لأن السوق بيرتفع بعدي، وإذا شفت بين الطلبات سهم واحد (1) فأطلع من السوق لأنه بينخرط معي!!
أبو الخساير: خرط الله راسك وراس أبو نفضه إللي دلّني على سوق الأسهم.
ينقطع الخط...
آآآآه... يا حسرتي يا فلوسي أنا لقيتها من هالسوق وإلا من أبو نتعه حسبي الله عليه وعلى أبو نفضه، آآآآه... يا حسرتي يالعراوي، ما أدري أنا أدفع إللي بقي معي من الفلوس مقدم والباقي أقسطه وأرجّع عروتي وإلا أواصل تجارة الفلس في سوق الأسهم؟؟!! لكن صحيح هذا هو السوق... يوم عليك ويوم فوقك مع هالهوامير حسبي الله عليهم.
دخل أبو الخساير الموقع ووجد هذه العروض:
1- التوصية االذهبية 1000ريال.
2- التوصية الفضية 500ريال.
3- التوصية البرونزية 300ريال.
4- التوصية الفالصو 100ريال.
ملاحظة: سدد أولاً ثم أتصل برقم الهاتف لأخذ التوصية، وللمعلومية فالمبالغ غير قابلة للاسترجاع!!
دفع أبو الخساير 100ريال وأتصل بأبي نتعه:
أبو الخساير: الله يصبحك بالخير يا بو النتعات أنا سددت وأبغى طال عمرك التوصية رقم 4.
أبو نتعه: التوصية... إذا أرتفعت قيمة السهم فبع وإذا أنخفضت فاشتر.
أبو الخساير: مقدمة جميلة، عطني التوصية الآن!
أبو نتعه: هذي هي التوصية.
أبو الخساير: يا خوي هذه التوصية تعرفها حتى جدتي، عندك غير هالكلام وإلا رجع فلوسي؟!
أبو نتعه: مع السلامة... ينقطع الخط.
جلس أبو الخساير يفكر، ويلوم نفسه ويقول: مائة ريال كان جابت لي كرتون دجاج بدل هالتوصية الفالصو. لكن كما هي عادتنا ما نرتدع من أول لكمة بل لا بد نجرب غيرها ولا نعتبر بأحد إلا بأنفسنا.
سدد للتوصية البرونزية وأتصل بأبي نتعه...
أبو الخساير: هاه يا بو نتعه دفعت مال قلبي للبرونزية، وعساك تفيدني هالمرة هات ما عندك.
أبو نتعه: إذا شفت السوق طمطم (نسبة للطماطم) فاشتر وإذا حبحب (نسبة للحبحب) فبع.
أبو الخساير: وراك سكت؟ لا تقول خلصت التوصية؟!
أبو نتعه: مع السلامة... ينقطع الخط.
أبو الخساير: قطع الله هالصوت إللي ما سمعته وشفت خير.
400ريال راحت عليك يابو الخساير، لكن صدق من سمّاك أبو الخساير، أنت وينك ووين التجارة وجهك ما هوب وجه تاجر... مادامها خربانه خربانه باشوف التوصية الفضية.
سدد أبو الخساير 500ريال وأتصل بأبي نتعه...
أبو الخساير: شوف هالمره 500ريال ماهيب لعبة أبغى توصية على قدّ الخسارة، وأرجوك ما تقطع الخط!!
أبو نتعه: إذا شفت الطلبات كثيره على سهم بعينة فاشتر وإذا شفت العروض كثيره فبع ولا تشاور، فالموت مع الجماعة رحمة.
أبو الخساير: ما فهمت ممكن توضح لي وتراني دافع 500ريال كانت بتجيب لي نعيمي!!
أبو نتعه: أنت ما جربت إذا نزل السوق وخسرت وكلمك واحد تعرفه ولقيته خسران مثلك، ما تحس بشوي راحة؟!
أبو الخساير: عزّ الله ما كذبت.
أبو نتعه: فهاذي هي التوصية... ينقطع الخط.
أبو الخساير... (يكلم نفسه) طيب أنا وش أستفدت من هالتوصيات، يا حسرتي يالتسع ميه إللي خسرتها، لكن ما بقي إلا الذهبية، أجل أطقها نسبة وأدفعها!!
أبو الخساير: يا بو نتعه أنا دفعت 1000ريال وهالمرة مالك عذر لازم تعطيني توصية على قد الفلوس إللي دفعتها وإلا ترى بأدمر موقعك وما يحصل لك طيب!!
أبو نتعه: هذي التوصية هي حصيلة خبرتي في السوق، شوف أنا حظي دايماً زفت عمري ما شريت إلا وينزل السهم ولا بعت إلا ويرتفع.
أبو الخساير: إن شاء الله عمرك ما ربحت، وأنا وش عليّ، عطني توصيتي إللي بألف ريال!
أبو نتعه: مثل ما قلت لك حظي مدحدر دايم، فإذا شفت بين العروض سهم واحد (1) فهذا أنا وهذي إشارة لك أشتر لأن السوق بيرتفع بعدي، وإذا شفت بين الطلبات سهم واحد (1) فأطلع من السوق لأنه بينخرط معي!!
أبو الخساير: خرط الله راسك وراس أبو نفضه إللي دلّني على سوق الأسهم.
ينقطع الخط...
آآآآه... يا حسرتي يا فلوسي أنا لقيتها من هالسوق وإلا من أبو نتعه حسبي الله عليه وعلى أبو نفضه، آآآآه... يا حسرتي يالعراوي، ما أدري أنا أدفع إللي بقي معي من الفلوس مقدم والباقي أقسطه وأرجّع عروتي وإلا أواصل تجارة الفلس في سوق الأسهم؟؟!! لكن صحيح هذا هو السوق... يوم عليك ويوم فوقك مع هالهوامير حسبي الله عليهم.