المساعد الشخصي الرقمي

مشاهدة النسخة كاملة : الشاعر المبتدي يرثي ابــو تـركـي


عـــز الـــخـــوي
05 / 02 / 2006, 18 : 10 AM
السلام عليكم ورحمة الله وبركاته
اخواني اعضاء منتديات جاش
نخبركم بأن تم تحويل اللقب القديم
((ابــــــن مــــــســـــرد))
الى
((عـــــــــز الــــــــخـــــــوي))
وأهدي اليكم هذه القصيده للشاعر المبتدي
أخـــوكم/فالح بن هادي المسردي
مرثيه في المقدم/مفلح بن فالح المسردي رحمه الله
وأتمنى ان تحوز على رضاكم

قال الي يمشي الشعر في دمه =شاعر لكن الزمن يبحث خفاه
بعد ما شاف حالت بني عمه =تذكر ابو تركي وصعب فرقاه
وتصبر وتصبر والا ياصعب المهمه=وتقول المفارق من يعرف دواه
مشين نهار(ن) فيه ال حمود ملتمه=في مسجد الرجحي كل(ن) بكاه
شلنا الجنازه وكل(ن) شايل(ن) همه=ويقول يالله عسى الفردوس مئاوه
وبعض الربع طاح من كبر المطمه= والبعض يبكي في وسط الصلاه
يامقبره كم راح والقول فالذمه =ليت الحارس بيوصف كيف جيناه
شفت ربعي الي عالي وفالقمه=والي أضعفها يموت ماحد تحداه
تبكي وكل(ن) يسمح دمعه بكمه=وتدفن رفيق(ن) عالي(ن) مستواه
قلت ليه؟ قالوا الميت نكرمه= واكرامه دفنه بالتراب وبالحصاه
مفلح كل(ن) يعرف طيبه وحلمه=ولو ما كان كفو ترى مافقدناه
مفلح سلوم العرب تعلمت سلمه=ياكبر فقده علينا ياناس كبراه
مفلح يحل المشاكل لا نطق كلمه=والله ونعمن به في وجه والا جاه
يفقده يتم(ن) فقد ابوه وامه= وتفقده ربعه وكل رجل(ن) خاواه
كل الربع ترثيه الا يا ذكرت علمه=لكن ليه تركي ماوحيت طرياه
من خلف مامات والمثل ذا ياقدمه=لكن صحيح وشيء بالعين شفناه
ياتركي حيلك حيل شد الهمه= لا تنسى فعل العود وأفعل سواياه
ياليت موته بداله بتسعين رمه=ويليته طلب مبلغ ويبشر بالغناه
وأستغفر الله وحده وأبري الذمه=من شاعر(ن) تذكره ونظم لذكراه
ويالله يالله ياعالم ما داخل الجمه= ترحم شجيع(ن) كل ربعه بتنعاه
الشاعر المبتدي/فالح بن هادي المسردي

ناصر بن هذال
06 / 02 / 2006, 44 : 01 AM
عـــــــــز الــــــــخـــــــوي..(كفو)..اسم رائع "والله يعوض عليك في المشاركات بالاسم القديم"

الشاعر المبتدي/فالح بن هادي المسردي

مشاعر اجزم بانه صادقه وشاعريه واعده باذن الله.

"رحم الله اباتركي".

عـــز الـــخـــوي
06 / 02 / 2006, 27 : 09 PM
ناصر بن هذال

ما عليك زود
والله لا يهينك على الرد

خيال القروى
12 / 02 / 2006, 41 : 08 PM
عز الخوي

صح لسانكـ وبيض الله وجهكـ

ومشاركه نعتز فيهاا

ورحم الله ابو تركي

ومشـــاااعر ليست بمستغربه

لاهنت يالقرم وبداية جميله

وبانتضار جميل مشاركاتكـ

ودمت بود ..

عـــز الـــخـــوي
12 / 02 / 2006, 09 : 10 PM
اخــــــوي خيال القروئ
صــــح بدنك وجهك ابيض
والله لا يهينك على الرد
ونفتخر بشهادتك



اخـــــــــــــــــــــــوك
عـــــز الــــخـــــوي