ابن مـــــســـــرد
16 / 01 / 2006, 13 : 02 AM
السلام عليكم ورحمة الله وبركاته
أقدم لكم قصيدة الشاعر/فايز بن رسام المسردي
في أخيه المقدم/مفلح بن فالح المسردي رحمه الله
الذي توفى في حادث ثالث أيام عيد الفطر في مدينة الرياض
وشاعرنا حاضر الموقف والقصيده تبين ذلك
ثالث ليال العيد لا عاد تاليه
عيد الفطر من عام سته وعشرين
ليل(ن) بوسط العيد وأقشر لياليه
حيث القدر به حان والربع سارين
في لحضة قشرى وعيني تراعيه
واكبر مصيبه نضرة العين لشين
وقفت مرتاع وارجي الله ينجيه
واقول ياربي عساء حي هالحين
ونزلت أصيحله وبسمه أناديه
تكفى يابو تركي عساء فالكم زين
وشلته على صدري ودمعي يباريه
واذكره بالله وعمى و يأسين
وحاولت يسمعني ولا سمع داعيه
لاشك مابه ميت(ن) سمع حيّن
وراح الفقيده وانتقل عند واليه
وهذا طريق(ن) كلنا معه ماشين
يا موت لو انك طلبت الفدى فيه
كان والله لفديه بناس(ن) كثيرين
والموت حق ومابه أحد(ن) مخليه
والي يعيش اليوم بيموت بعدين
وعليه يبكي العود والام تبكيه
كل ماتذكر طيبته تدمع العين
ويبكونه إخوانه وربعه وأهاليه
ويبكي عليه كبار ويبكي صغيرين
ويا كثر من ينعاه والا بشعر يرثيه
ومن يعرفه يرثيه حتى البعيدين
ويبكيه محتاج ذكر مدة أيديه
يوم الفقر ضده وكثر الدياين
وله منزل(ن) بأطيب محدن يجاريه
وكل المراجل فيه من وين لا وين
لا كن عزانا فيه لاحل طاريه
قالوا جميع الخلق والله ونعمين
فيا الله يالي بأمرك الغيث تنشيه
اجعل قبر مفلح رياض وبساتين
ويا واحدن كل المخاليق ترجيه
ارحم ابو تركي معي قولوا آمين
الشاعر/فايز بن رسام المسردي
أقدم لكم قصيدة الشاعر/فايز بن رسام المسردي
في أخيه المقدم/مفلح بن فالح المسردي رحمه الله
الذي توفى في حادث ثالث أيام عيد الفطر في مدينة الرياض
وشاعرنا حاضر الموقف والقصيده تبين ذلك
ثالث ليال العيد لا عاد تاليه
عيد الفطر من عام سته وعشرين
ليل(ن) بوسط العيد وأقشر لياليه
حيث القدر به حان والربع سارين
في لحضة قشرى وعيني تراعيه
واكبر مصيبه نضرة العين لشين
وقفت مرتاع وارجي الله ينجيه
واقول ياربي عساء حي هالحين
ونزلت أصيحله وبسمه أناديه
تكفى يابو تركي عساء فالكم زين
وشلته على صدري ودمعي يباريه
واذكره بالله وعمى و يأسين
وحاولت يسمعني ولا سمع داعيه
لاشك مابه ميت(ن) سمع حيّن
وراح الفقيده وانتقل عند واليه
وهذا طريق(ن) كلنا معه ماشين
يا موت لو انك طلبت الفدى فيه
كان والله لفديه بناس(ن) كثيرين
والموت حق ومابه أحد(ن) مخليه
والي يعيش اليوم بيموت بعدين
وعليه يبكي العود والام تبكيه
كل ماتذكر طيبته تدمع العين
ويبكونه إخوانه وربعه وأهاليه
ويبكي عليه كبار ويبكي صغيرين
ويا كثر من ينعاه والا بشعر يرثيه
ومن يعرفه يرثيه حتى البعيدين
ويبكيه محتاج ذكر مدة أيديه
يوم الفقر ضده وكثر الدياين
وله منزل(ن) بأطيب محدن يجاريه
وكل المراجل فيه من وين لا وين
لا كن عزانا فيه لاحل طاريه
قالوا جميع الخلق والله ونعمين
فيا الله يالي بأمرك الغيث تنشيه
اجعل قبر مفلح رياض وبساتين
ويا واحدن كل المخاليق ترجيه
ارحم ابو تركي معي قولوا آمين
الشاعر/فايز بن رسام المسردي