المساعد الشخصي الرقمي

مشاهدة النسخة كاملة : ينطقـ ( بوه وه ) .. أغووووه عليتس

أ.د/طرثوثــ
28 / 12 / 2005, 28 : 08 AM
أنا شعري على الأشعار ذروه غدى غره على صافي الجبينا

امخمخها على فنجال قهوه واميز خافي ٍ صعب ٍ يبينا

واقسمها على الانغام غنوه واغنيها بصوت البلبلينا

واجردها من العيب المشوه أجملها كما بنت ٍ حسينا

واحليها بثوب العز كسوه واخيط من الفخر خيط ٍ متينا

وانقيها إلين تصير صفوه تناقلها جموع العالمينا

من الطفل الذي ينطق (بـوه وه ) لحد ارذل عمر فوق المئينا

واذا شفت الفشل...بالكاد نزوه طغت بعيون كل الحاسدينا

نجاحي فوق حلو الشعر صهوه ولا يرديه عن وضعه ضغينا

واذا ميل البشر يبدا بخطوه ترى ميلي من ايام ( ابن سينا )

بنيت البيت فوق البيت عزوه وساس البيت يا عالم مكينا

وغرست من الشجر مره و حلوه و قطفت الهم من ثغر السنينا

ثمر الايام ...نخوه ضرب نخوه تساوي ناتج ٍ معدوم فينا

غدى الإحساس ...رغوه... ايه... رغوه رضينا يا عرب و إلا ابينا

بغمّض يمكن ٍ بحلوم غفوه احقق ما غدى عسر ٍ علينا

لكل حصان في ذ الكون كبوه وكبوتنا يمهمها الونينا

نسير الدرب هفوه بعد هفوه يكللها الفشل...والله يعينا

مع الاوهام صار النصر منوه يرددها فبطن امه جنينا

تلاشى من كتاب العز ( غزوه ) كتاب بدون عنوانه قرينا ؟؟!!

نسينا نكتبه او راح سهوه ؟؟ا و العنوان ما يفخر يجينا ؟؟

جهلها من جهلها وجاب غفوه و تنحى عن جهاد المشركينا

وفهمها من فهمها مير بلوه اذا الفاهم فصف الجاهلينا

عرفتوا كيف على فنجال قهوه اميز خافي ٍ صعب ٍ يبينا؟؟




تحياتي لكم
ناصر بن هذال
28 / 12 / 2005, 40 : 11 PM
نرحب بك عزيزي أ.د طرثوث


القصيده قمه......ولكن هل هي لك ام لا مع تبيان المصدر .


تحياتي..
أ.د/طرثوثــ
31 / 12 / 2005, 41 : 08 AM
هلا فيك أخوي ناصر بن هذال ال شري


بالنسبه للقصيده طال عمرك إذا أنت رجال تبي تشتريها وتعطيها سعر مادي فبقول أنها لى


أما أذا أنت رجال تدور على حفظ الحقوق وطبعها فالقصيده ذي لولد خال ابو أمي (يقال) أنه قالها وهو سكران

ولك من تحياتي القلبيه


سؤال جانبي إذا سمت لى

يقرب لك وأحد اسمه ( عذال بن سطام القحطاني )

أعتبر هذا السؤال من باب التعارف :)
أبو فـلاح
31 / 12 / 2005, 41 : 12 PM
دكتور طرثوث القصيدة رائعة
بس المصدر لو سمحت وبدون لف ودوران

لاتخاف ماراح نشتري بس ضروري نعرف المصدر لحفظ حقوق الشعراء
ناصر بن هذال
31 / 12 / 2005, 58 : 12 PM
ا.د طرثوث

احيي فيك خفت الدم.

والاخ عذال سطام لطام همام القحطاني يصير ولد عمت جدتي.
أ.د/طرثوثــ
31 / 12 / 2005, 57 : 02 PM
هلا فيك اخوي جاش


( ماني مصدق جاش بكبره رد علي ) يكفيني خشم جاش نت بس لرد على


لكن تحت امرك اخوي جاش

المصدر هو آخر ورقه من دفتري حق الرياضيات صف أبو 40 ورقه مربعات
طيب الفال
25 / 01 / 2006, 27 : 12 AM
الدكتووور طرثوث المحتر كلمااااات حلوووووووووه ونري منك اكثير منهاااا طيب وللحلان طيب ياغالى
أ.د/طرثوثــ
13 / 02 / 2006, 57 : 02 AM
طيب الفال اشكرك من كل قلبي


مو عشان رديتي على لا ثم لا


اشكرك لنك رديت على وانا غايب عن الساحه الاعلاميه

وابشر لك مني كل حلو اشوف اني اقدر اسطره هنا




تحياتي لك يا حلو
أ.د/طرثوثــ
13 / 02 / 2006, 59 : 02 AM
طيب الفال اشكرك من كل قلبي


مو عشان رديتي على لا ثم لا


اشكرك لنك رديت على وانا غايب عن الساحه الاعلاميه

وابشر لك مني كل حلو اشوف اني اقدر اسطره هنا




تحياتي لك يا حلو