المساعد الشخصي الرقمي

مشاهدة النسخة كاملة : ][®][^][®][درة القصائد ((عيون الصد))][®][^][®][


الكاسر
30 / 11 / 2005, 47 : 02 AM
إخواني أعضاء المنتدى الأعزاء أضع بين أيديكم هذه القصيدة والتي تستحق فعلا أن يطلق عليها درة القصايد وهي لشاعر غني عن التعريف والوصف الشاعر سعد بن جدلان


عيون الصد


الا ياالله ياللي تحت هيبـة سلطنتـك اسلمـت=لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت=تزودني وفا قـدر العشيـر ووصـل الارحامـي
ولجك الفجر ياليل الذهول اللي علـي اضلمـت=بعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت=بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت=بان السيف سيفي والعصا والمحـزم احزامـي
عطتني عزلة اخلاصي معك نسيان من نادمـت=كتبتك وانطوت صحفي عليك و جفـت اقلامـي
اباهـي لا ابالـي واتبيسـط كــل ماقـدمـت=اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت=وليلي ترقب نجومـه ملامـة كـل مـن لامـي
على ضو الكلام اللي كشف عنا ستار الصمـت=عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت=واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت=يشوفك بالسهل وانته تشوفه بالسمـا السامـي
كثر ماحن قلبي للونيـس وكثـر مـا درهمـت=فجر صدري حنيني واتعـب الاقـدام درهامـي
عيون الصد وعيون التجافي حول مهما اكرمـت=تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت=كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت=مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت=حجب عنك الدجى لين اشرقت لك بيض الايامي
ختام السالفه ياطيب العشـره كرمـت ودمـت=هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت=يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت=وشفت الفرق في حب الخشوم وحـب الاقدامـي
*-*-*-*
الشاعر
سعد بن جدلان
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

كاشخ 24 ساعه
30 / 11 / 2005, 27 : 09 AM
صح لسانه



وبيض الله وجهك يالكاسر



عز الله ان القصيده هذي تحيفة

ناصر بن هذال
30 / 11 / 2005, 20 : 12 PM
الكاسر...اتحفتنا والله

شكرا على هالجهد الطيب.

أبو فـلاح
30 / 11 / 2005, 35 : 02 PM
نقلة رائعة أخي الكاسر لشاعر كبير

لاجديد في شعر ابن جدلان لايماثله ولايشابه أحد عندما يكون شعره وصفيا ..

تقبل خالص شكري

الكاسر
04 / 12 / 2005, 40 : 04 AM
الأعزاء
كاشخ24ساعة
ناصر بن هذال
جاش.نت
شكرا لمروركم
مع فائق إحتراماتي

راشد بن فلاح
05 / 12 / 2005, 27 : 06 PM
بعد تقرير مشوار التجـارب نجحـك واجزمـت= بان السيف سيفي والعصـا والمحـزم احزامـي

تذكرني لامنها خابـت اوهامـك فمـن وهمـت=وشفت الفرق في حب الخشوم وحب الاقدامـي

الأخ الغالي / الكاسر

القصيدة رائعة و نقلك لها أروع

لا هنت و مشكووووووور يالغالي


لك خالص تحياتي و تقديري..

سفير السعد
05 / 12 / 2005, 20 : 09 PM
اختيار رائع وصح لسان الشاعر

عبدالله ابن شايع القحطاني
15 / 12 / 2005, 55 : 06 PM
الكاسر

جبرالله قلبك كما جبرت قلوبنا بإتحافنا

بهذه الرائعه للشاعر العلم

بن جدلان


حفظك الله

الكاسر
22 / 12 / 2005, 52 : 10 AM
الأخ العزيز
صادق الإحساس
شكرا لمرورك يالذيب ولا هنت
****
سفير الحزن
لاهنت يالذيب على مرورك
******
الشاعر والإعلامي
عبدالله إبن شايع القحطاني
لاهنت على المرور

وتقبلو تحياتي جميعا
الكاسر