المساعد الشخصي الرقمي

مشاهدة النسخة كاملة : يكفي .. يكفي .. يكفي !


jash star
13 / 11 / 2005, 25 : 06 PM
.


إلى متى هذي النقاشات بتستمر ؟ وايش الهدف منها ؟
إلى متى هذي التفرقات والحزازيات والتعصبات بتستمر
إلى متى نتكلم ونتناقش وكأننا حزبين منفصلين ؟
ما كأننا ابناء دين واحد ووطن واحد !!!

" مثل المؤمنين في توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى "
" انما المؤمنون اخوة "
وينا عن كل هذا ؟!

اللي دفعني لكتابة هذا الموضوع :
اني اسمع الكثير من الكلام الخطير في المناقشات مثل:
واحد يقول : المطوعين بس شكل ..
والثاني : انت ما تسوى ولا ظفرهم عشان تتكلم عنهم..
والثالث : المطاوعه لهم معسكرات والله اعلم وش يخططون له فيها ..
والرابع : المطوع احسن منك يا الضايع الهايت بالاسواق ..
والخامس : احسن تستاهل اللي يجيها محد قالها تلبس عبايه عالكتف ..اصلا هي ما البستها الا
وهي تبي الشباب يطالعونها ..
.................................................. .........................................الخ




مو كل شاب يحلق لحيته ويطول ثوبه صايع ولا كل بنت تلبس عبايه على الكتف صايعه..
بالعكس ممكن يكون ميزان حسناتهم اثقل من غيرهم..لأن الصلاح مو بس بالشكل..
ولا العبادة تقتصر على الصيام والقيام ..
وكلنا نعرف قصة الصحابي اللي دخل الجنة لأنه كان ينام وما في قلبه حسد ولا ضغينه على احد..

ولا كل من طول لحيته وقصر ثوبه مطوع ..
ولا كل مطوع ارهابي .. وكلنا شفنا جهود رجال الدين في مكافحة الارهاب ..وفي نصح الناس وتوجيههم للدرب الصحيح..
و ياما فيه ارهابيين مو يم الدين واللي دفعهم لهذا الدرب اهداف شخصية لا دينيه ..
اللي ابي اقوله :

اننا كلنا ابناء دين واحد ووطن واحد .. ولا زم نكون يد وحده ضد الفساد والارهاب..
يد وحده للنهوض بالوطن والحفاظ عليه..يد وحده وقلب واحد..
يعني اذا زل أخوك أو شفت منه مالا يرضيك لا تتهجم عليه وترمي كلام إن لم يزده عناد لم يصلحه ..
ولا تحكم على الناس من مظاهرهم ..
ولا تقول شيء انت مو متأكد منه مجرد شكوك وظنون..


من بعد الارهاب تكونت هذي فكرة عند البعض :
" إن كل من طول لحيته وقصر ثوبه ارهابي أو يكون تحت منظار الشك دائماً "
اقولهم :
غلط الارهابيين انهم نصبوا نفسهم حكم على الناس وعلى نواياهم وبواطنهم وكفروهم على مزاجهم..
وهذا الخطأ احنا نقع فيه لما نحكم على كل ملتزم انه ارهابي..
انتم شفتم نتيجة هذا الخطأ فياليت ما نكرره ..

واخيراً وهو الأهم :
لازم هذي الفجوه اللي بين المطوعين والغير مطوعين لازم تختفي ..

هامش :
* استخدمت كلمت مطوع لأنها هي اللي كانت مستخدمه بالمواضيع اللي قريتها ..
اما بالنسبه لي فأفضل استخدام كلمة ملتزم ..

البحر المحيط
13 / 11 / 2005, 46 : 08 PM
هلا أخي نجم جاش ( jash star )

أخي الحوار والنقاش ليس دليل تناحر و تباغض في اي عقليه واعيه .

إذا كنت تعني الجدال والمغالطات فهي شي أخر لايوجد لدينا مايوجد هنا أخي هو الحوار والنقاش فقط وهذا لا يفسد للود قضيه أيداً


تحياتي .... وتقديري