المساعد الشخصي الرقمي

مشاهدة النسخة كاملة : قصيدة رثاء في خادم الحرمين الشريفين (الله يرحمة ويجبر عزانا)


حسن المسعودي
04 / 08 / 2005, 44 : 12 AM
لاحول ولا قوة الابالله العلي العظيم رحمك الله ياابا فيصل وبارك الله في من خلفك خادم الحرمين الشريفين ونبايعه على السمع والطاعة وبارك الله فيه وسدد خُطاه


يالله يالله يالمعبود ياذا الجلال=يامن بيدك الامور تقدر اسبابها
يافارج الكُرب والشده وبك لتكال=تفرج للمّة مصيبتها وماصابها
ياشينها ساعةٍ طاحت دموع الرجال=طاحت دموع العيون وغرقة اهدابها
في ذمتي مايطيح الدمع في كل حال=إلآعلى فقد غالي النفس واحبابها
واللي فقدناه شيّال الحمول الثقال=اللي يشيل الحمول ان طاحت اركابها
فهد فهد قائد الأمة كريم السبال=فهد مليك البلاد اللي ربينابها
خادم حرمينها رجل العدل والعدال=مليكنا سيرته للكل يحكابها
مرحوم جعلك بجنات وقطوف وضلال=عساك في جنة الفردوس تهنابها
الله يبيحك يابو فيصل ياراعى الجزال=ياللي جمايلك عمّت لرض واقطابها
كمٍ ضريرٍ على يدك المرض منه زال=والايتام ماغيرك احد ايعاني اتعابها
وياكم وياكم وياكم وش بيحصي المقال=والاقلام ماتحصي الافعال وكتابها
الحاصل انك مليك مايجي لك مثال=في شت الاقطار نفسك مايحلابها
مسيرتك خير شاهد ياوفي الخصال=تطمح لكسب الجمايل وانت كسابها
مرحوم والله يبيحك عد منشى الخيال=نقولها والله اللي يحسب احسابها
والله لو الموت يقبل فالرجال الرجال=ياسكرة الموت لاقول اني اولابها
لن موتتك يافهد صعبه على كل حال=فجيعةٍ خلة الدوله على اعصابها
والشعب ينعيك والله مايخيب لآمال=وآمالنا في مليكٍ يعتق ارقابها
عبدالله اللي له البيعه وله لمّتثال=بيعة ولاء مخلصين بها ونحيابها
بيعة قحاطين والبيعه لكم لاتزال=والطفل منا بثدي أمه تغذابها
ولاء – محبه- فداء- طاعة ونضرب مثال=في طاعة أولآة الأمر اللي مضينابها
وندعي هل الجهل والتخريب واهل الظلال=تتوب لله وندعي باقي احزابها
تمت ويالله يالمعبود ياذا الجلال= رحماك في نفس جاها الموت واقفابها
-
حسن بن علي المسعودي القحطاني
-

الساعة 2ظهر الفجيعة

كاشخ 24 ساعه
04 / 08 / 2005, 27 : 10 AM
الله يغفر له ويعفوا عنه




الدعاء له ابرك من القصايد




كاشخ 24 ساعه

حسن المسعودي
04 / 08 / 2005, 06 : 04 PM
هلا بك كاشخ

والقصيدة دعاء يبدو انك علقت وانت ماقريت القصيده
القصيده فيها لهث بالدعاء
وفيها بيعة

والله يرحم فقيدنا ويبارك بحينا

خيال القروى
06 / 08 / 2005, 25 : 12 PM
الاخ حسين

صح لسانك وقصيدة شامخه

وجزله من جزل

ورحم الله الملك فهد واسكنه فسيح جناته

وبالعكس القصيده وافية ومن اصعب مايكتب عند العرب قديما وحاضرا

هو الرثاء والشعر هو ديوان العرب

دمت لنا ولك اجمل التحايا

حسن المسعودي
06 / 08 / 2005, 15 : 06 PM
خيال القروي

هلا بك

وللأيضاح
اسمي

حسن ولي حسين


وشاكر لك على احساسك بهذا الشئ وايضاح المفهوم لدى الغير

والله يقبل دعاك

تحياتي

أبو فـلاح
07 / 08 / 2005, 27 : 01 AM
صح لسانك يابو تركي على هالقصيدة الرائعة
يستاهل ابو فيصل أن ترثيه بهذه القصيدة ...

تقبل تحياتي