مشاهدة النسخة كاملة : راس مالي
ناصر بن هذال
20 / 07 / 2005, 07 : 04 AM
تقبلوا هذه القصيده مع أحترامي ولا تواخذوني اذا كان فيه بعض المبالغه..
ضايق صدري ولا أدري وش علامه=والوكاد ان الفضاء بي زاد ضاقي
من هجوس حطت الخاطر عدامه=لعنبـــوها دكت اللي كان باقي
يازمن لابوك ماني بالهلامــه =عزتي تبقى مدام الراس باقي
راس مالي بالشجاعه والكرامه=ماتلفت للصغار ولا الدقاقي
مثل حر ما بدا الا فوق هامه=ماتخير كود صعبات المراقي
غير عذبني ولا فيها ملامه=فرقة الاصحاب من بعد التلاقي
فاقد لي صاحب عذب كلامه=مايقرب لا الخداع ولا النفاقي
رفقته احلى من مزون الغمامه=وفي غيابه زاد شوقي واشتياقي
ياعسى ربي يرده بالسلامه=وهو حر في الوصال وفي الفراقي
ابوخالد
22 / 07 / 2005, 48 : 03 PM
مثل حر ما بدا الا فوق هامه=ماتخير كود صعبات المراقي
يا زين ذا البيت...يبو جود...
كاشخ 24 ساعه
22 / 07 / 2005, 34 : 04 PM
صح لسانك يابوهذال
تقبل تحياتي
والقصيده تستاهل التثبيت
أبو ضويحــــي
27 / 07 / 2005, 59 : 10 PM
ابو هذال السلام عليكم والرحمه والبركه جميع ++++++++++++
الله يعطيك العافيه على هذه القصيده ومن الأشياء العجيبه اول فتح المنتدى إلا بقصيدتك
في الشاشه امامي فوجب الرد عليها بعد إنقطاع من المنتدى لأكثر من 6 اشهر
اخوك المؤشـــــــــــر
ناصر بن هذال
28 / 07 / 2005, 57 : 09 PM
شكرا جزيلا.
ويابو خالد ماعليك زود.
والشــكر موصول للأخ كاشــخ 24ساعه والله لايهينك على التثبيت.
وتحياتي للمؤشر وتمنياتي لك باجيتياز الدوره بنجاح وترجع بالسلامه لنجــــد.
كادي
28 / 07 / 2005, 10 : 10 PM
القصيده جميله ولكننا نتضر الافضل من
كادي
ابو جعفر
29 / 07 / 2005, 13 : 03 AM
ابوهذال قصيده تشكر عليها وانشاالله اعلم ابو جمل يرد عليك والا انا ومناحي......تحياتي
ناصر بن هذال
21 / 05 / 2006, 32 : 02 AM
الاخوه الاعزاء ...هذه مجاره للشاعر محمد السبيعي
,
,
بيض الله وجه رجال الشهامه=ينظم ابياتٍ ذهب باسلوب راقي
فيض شعره كلما ثور كتامه=عودٍ ازرق طاب من بعد احتراقي
موج بحرٍ جمته تسعين قامه=كل ما هب الهواء زاد اصطفاقي
جعل يفداه الردي ساس الرخامه=والمنافق يفضحه كثر النفاقي
والمغفل ما وراه الا الندامه=ما يطول المجد ابو قلبٍ رقاقي
والبعير اللي على ظهر مسامه=ذاك هرشٍ لا يقاد ولا يساقي
فوق جيبٍ لاكفخ مثل النعامه=يوم سند صار في الارض انشقاقي
شيخ قومٍ ما بعد رجال ضامه=جيبٍ ابيض ما يخيب كل هاقي
يا نديبي وصل لناصر علامه=شكرٍ و تقدير فنجاله يساقي
,
,
تحياتي لكم
ابو بدر
21 / 05 / 2006, 04 : 12 PM
بيض الله وجهك يابو جود على القصيدة والله انها كايفه واعذرني على التأخير وطيب القصيدة اجبرني اسجل إعجابي .
ناصر بن هذال
22 / 05 / 2006, 11 : 02 AM
ماحصل اقصور ياابو بدر,,,شكرا لمرورك
خيال القروى
24 / 05 / 2006, 36 : 10 PM
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
ناصـــر
نص رائع
وحضور جميل
صح قلبك
دمت بخير..
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
...تحيــــاااتي القلبيـــه...
...مع خــااالص احترامي وتقديــري...
....اخوكـــ....
©.¸¸.© خيال القروى ©.¸¸.©
vBulletin® v3.8.4, Copyright ©2000-2024