المساعد الشخصي الرقمي

مشاهدة النسخة كاملة : الفــرق بين البنت الناعمه والعربجيه (انوااااااع الضحك)


ابن بطوطه
29 / 12 / 2002, 15 : 10 PM
تعالو شوفو ا العربجيه والناعمه.....

طيب نبدا في الموضوع ... يالله نبدا

اول شيء نبدا فيه الناعمه



الناعمه..طبعا وهي نايمه الدبدوبي والارنوبي كلهم في حظنها ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله تقومها بالانجليزي ...بس انا راح اترجمه لكم ....

يالله مرام قوم ماما في قول قوم

عاد هي تقول اوكي وتجي امها وتصحيها مره ثانيه يا مرام حبيبتي اصحي ..

ترد مرايم.. ماما والله بدري الساعه 1 الظهر بدرررررررررري(تدلع هي وخشتها..
يقالها تو الناس بدري )..طيب ماما من عيوني

قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي..وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام و على المرايه تحط من هالكريمات والدعافيس على وجهها ....

تعرفون شباب لازم تحافظ على البشره خلصت من المرايه وتتجه الان الى الاستشوار وش..وش..وش.. وش لحووووووووووول ساعتين عز الله اللي اندمرت هالشوشه... خلصت منه دقت البنطلون الجينز والبلوزه ونزلت تحت تفطر على كاس عصير برتقال ..... مسويه رجيييييييييييييييييم




نجي للعربجيه..تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى
لحووووووووووووووووووول زين زييييييييين ...تنفخ بعد....

بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير

يجي اخوها حميد (اسمه محمد بس يدلعونه حميد )

ويقومها مره ثانيه ياااااا سوير تقول امي قومي جعلك الموت

ترد سوير..اقول اطلع ولا صكيتك على جبهتك..

ويجي جرمان اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل

وبعد تلك الرفسه العنيفه ... فزت فزه ما يعلمها الا الله

وقالها جرمان ..قومي صلحي فطور عشر دقايق الا وهو جاهز زينننننن

شوفي ابي قرص وخبز مسح(يعني خبز على الحديده)

وقامت بعد جهد جهيد وعلى شتم ولعنت الحي والميت حتىىىىىىىى ولدعم جد ابوها ما سلم منها




اعزائي القراء نعود الى الاخت الناعمه..
هذي ما تتغدا الا الساعه 3 ولا 5

لا ولا تتغدى الا على رز ابيض مسلوق وسلطه ...تحافظ على الرشاقه يا شباب




العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس وتترع ذيك الترعه أأأأأأأأأأأأأععع..طالعه من قلبها




الناعمه.. طلعتها تكون من بعد صلاة المغرب(ما تطلع في العصر يااااااااااي تحافظ على البشره




العربجيه.. تطلع الساعه2 القايله وتدقها كعااااااااااابي لبيت خوالها الين تنقلب خبز اسمر




الناعمه..تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق (مكياج سوق)




العربجيه .. تروح لسوق النسيم عشان تلقى العرابجه اللي مثلها




الناعمه.. اذا تطلعت تطلع مع يارا ولارا<< وخياره>> ورولا ومايا وغيرهم




العربجيه .. تطلع مع بنات خالاتها وضحى وشقحى ومزنه ومنيره وعمشاء




الناعمه..اذا شافت واحد حلووووووووو لابس صح وماركات وحركات وحاط سكسوكه ومحد قده قالت ..يااااااااااااااااااااي بنات نازرو (((يعني ناظرو هذا الله يسلمكم ماغير من الدلع))) ياربيييييييييه واااااااااو عاد البنت اعجبها الشاب اللطيف هذا ودها تحتك وتقوم وتمر من عنده وتدفه بكتفها

ولا دفته بكتفها قالت اووووووووووه اسفه

ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ما تلقاه من الحياء




العربجيه..لا جات تزين
شخطت هالعيون بهالكحل والبست البرقع وطلعت هي وشقحى ومنيره ومزنه وعمشاء لسوق النسيم

عاد العربجيه يمر من عندها واحد راكب جيب فكس اااار موديل 2002 وداق شماغه كوبرىىى ويمر بهالجيب وسوي حركات استعراضيه

وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع

وتقوم بنت الحلال وتقزززززززززززه قز والرجال راح في خرايطها وعاد لا شافها تقزه قال... يا غزال ارحم حالييييييييييي يا ويلي تكفون يا عربان




الناعمه .. اذا مر عليها واحد قروي قالت وععععععععععععععع الله يقرفك ... تقل شايفه صرصور الله يعزكم

نعم وش تبي يالله هناك بلا قراوىىىى




العربجيه .. اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق
وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك

ترى ما ابي اغلط عليك
تراك مثل اخـــــــــــــــــــتي(يقا
لها ما غلطت الحين ) هههههههههههههههه

والله بصراحه شكله بنت




الناعمه.. لا جات تضحك هههههههه يالله تسمعها من النعومه




العربجيه..اذا ضحكت اضحكت كذا ((هع هع هع هع هع ))...الحمد لله والشكر تقول بالعتنلها حمار الله يكرمكم
واذا جات تمزح مع حميد اخوها اعطته كف حلاقه ....يعني كف قوي علىرقبته




الناعمه..اذا تحب تسمع اغاني ما تسمع عربي خلقه ما تسمح الا ريكي ما رتن طبعااا لانه حلووووووووووووووووووووووووو
ووووووو

وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها جوليا روبرتس( حتى انا بعد احبها اذا جتني بنت سميتها عليها علشان تعطيني السماوه)




العربجيه ..الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي




الناعمه..لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه




العربجيه.. لا جات تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه




الناعمه اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود



العربجيه ..اذا تحلم احلام اليقظه طلعت برى في حوشهم
وفرشت البساط(ابو خمس طعش اللي مخطط باحمر وازرق عرفتوه )
وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم .


منقول مع اطيب تحياتي ( ابن بطوطه ) :lol: :lol: :lol:

سلطان
29 / 12 / 2002, 56 : 10 PM
[align=center:a234326613]هههههههههههههههه

والله حلوه ابن بطوطه

ترد سوير..اقول اطلع ولا صكيتك على جبهتك..

لايكون بنت المشرف العام[/align:a234326613]

ابن بطوطه
29 / 12 / 2002, 02 : 11 PM
سلطان هذي مدري بنت المشرف ولا لا خاف يطردني من المنتدى
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:

مشكور سلطان على الإطلاع

تحياتي
ابن بطوطه

كونان
30 / 12 / 2002, 45 : 07 PM
وقالها مناحي..قومي صلحي فطور عشر دقايق الا وهو جاهز زينننننن

عاد مناحي اشوفها قوية شوي

مجموعة انسان
30 / 12 / 2002, 06 : 09 PM
[align=center:d753e3a388]

يعطيك العافيه


يابن بطوطه






من جد فرق بينهم كبير



تحياتي[/align:d753e3a388]

ابن بطوطه
30 / 12 / 2002, 43 : 09 PM
البارون خلاص عدلت مناحي على شانك ها مبصوط . :twisted:



مجموعة انسان مشكور على الإطلاع
:lol:

البارون
31 / 12 / 2002, 00 : 07 AM
البارون خلاص عدلت مناحي على شانك ها مبصوط


هذي ويش سالفتها وانا ويش دخلني
.................................................. .................................................. ..


الناعمه..طبعا وهي نايمه الدبدوبي والارنوبي كلهم في حظنها ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله تقومها بالانجليزي ...بس انا راح اترجمه لكم ....

هههههههههههههههههههههههههههههههههههههههههههههه
ياعيني على الدبدوبي الوردي شايف شغله بالحيل
تسلم ياولد عمي
.................................................. ..................................

العربجيه ..الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي

سق عليه يالعربجيه
خلاص مافيه باخذ عربجيه يعني باخذ عربجيه وفي ليله الدخله اقعد انا ويها طول
الليل ونتسمع فهد بن سعيد للفجر
ارجوك ابن بطوطه لا تحاول اتغير رايي العربجيه وبس

شذى الورد
31 / 12 / 2002, 56 : 12 PM
ياهوووووووو

عجبتني هالعربجيه من جد

ودي ادقها صحبه معها

طفشنا من هالدبب والأرانب

نشوف لنا شي ثاني ازين :wink:


مشكور على هالموضوع ...........من جد رايق

ابن بطوطه
31 / 12 / 2002, 41 : 10 PM
مشكوريييييين مجموعة أنسان والبارون وشذى الورد

بس شذى على حسب كلامك انتي بنت ناعمة من نوع الدبدوب والإرانب :lol:

عاشق الرياض
01 / 01 / 2003, 57 : 12 PM
أهلين أخوي ابو00000000000
أنا في رأيي ولو أن كان رأيي ماله أهميه افضل 0





[marq=down:1dd5ef19d2]العربجيه ولا[/marq:1dd5ef19d2]

البارون
01 / 01 / 2003, 57 : 12 PM
ايوله صح
اقول شذى الدبدوب اللي عندك ايش اسمه

اكيد انه كاره عيشته صح
هههههههههههههههههههههههههههههههههههههه

لا تزعلين يا بعد كلي

شذى الورد
01 / 01 / 2003, 58 : 12 PM
لا ابن بطوطه

الله يرج بليسك وش دراك ..........

عندك كاشف يال.....................؟ :wink:

لاوالله انا ان خليط من الأثنين ......... :lol:

البارون
01 / 01 / 2003, 08 : 01 PM
هههههههههههههههههههههههههههههههههههههههههههههههههه ههههه

اقول ارحميه اشوي خليه يتنفس خليه يلعب في الحوش اشوي

شذى الورد
01 / 01 / 2003, 35 : 01 PM
الباروووووووووون

وانت وش عرفك اذا اطلعه ولا لأ ..

بس الظاهر اللي عندي شاكي للعنز اللي تحضنها ..........

بس انا اوريك وش اسوي فيه ........ والله لأمصعه معاص ......

واخليه ينام بذا البرد في الحوش ..

ولا تدري اخليه ينام مع اخوي الصغير .. واخليه يعطيه من ذا الروائح السنعه بالليل ..

لا وهالحين بلبرد ومغطي نفسه بالبطانيه علشان المفعوووووول يكون اكيد .واقوى :wink: :shock:

البارون
01 / 01 / 2003, 54 : 01 PM
ههههههههههههههههههههههههههههههههه

ايه كذا امعصيه معص ما عليه كلام خلي الريحه اللي فيه تطلع

وبعدين العنز اللي عندي خليها في حالها مفهوم

زهرة اللوتس
01 / 01 / 2003, 59 : 04 PM
هههههههههههههههههههههههههههههههههههه
الموضوع مرة حلو ومرة موتني من الضحك يابن بطوطه

بس ترى مو عيب يكون فيه كم دبدوب بالغرفه على كم ارنوب على ....

صح؟

ابن بطوطه
01 / 01 / 2003, 02 : 05 PM
مشكور البارون واسف انا اقصد كنان

زهرة اللوتس مشكور بس كل وحده تمدح نفس انا مع دبدوب وارنوب والله الشباب يموتون في العربجيه اكثر


مع تحياتي

ابن بطوطه العربجي :lol: :lol: :lol: :lol: :lol: :lol: :lol: :lol: :lol: :lol: :lol:

ابن عباد
02 / 01 / 2003, 48 : 01 AM
ابن بطوطه

احلــــــــــــــــــــــــــــــــــى يا عربجي

يا شديـــــــــــــــــــــــــــــــــــــــــــــــ ــــــــــــــــــد

موضع حلو وخفيف دم مثللك :wink: