زواج عربجي وعربجيه<<<<(( دحيم وحصيصه))

[رذاذ الشوق]

ابقول لكم وش صار في ليلة زووواج دحيم

المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم الكبد

الولد دحيم داشر 24 سااعه مشاكل وتفحيط وخرابيط و هجوله

المهم ابوه قرر انه يزوجه يمكن يعقل الولد !!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه للثمامه يطعسون

وابوه يدق عليه

الاب: الووو دحيم وينك؟

دحيم : هلا والله طالع مع الشباب لثمامه

!!! الاب: جعل تطلع روحك بلا تعال اليوم عرسك


دحيم : طيب العرس في اليل يمديني ارجع المغرب

الاب: اقول امش جعلي امشي العصى على ظهرك

دحيم : طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونه ويودونه للقصر

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت

ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

دحيم : هلا ايه طيب يكون خير والله ما عندي ولا ريال

( قايل لكم مهوب وجه زواج)

المهم ويدخلونه على الحريم

يوم دخل

(وهو الي يفتح كشرته ( ابتسامه عريضه
ويناظر في ذا البنيات

المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا!!!!

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه


وانواع الاستهبال المشكله الي ترقص امه مسيكينه تبي تفرح به ما درت انه ما يستاهل

المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟

الا وابوه يصفقه على جبهته

دحيم : طيب خلاص انطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟

ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له

حصيصه : دحيم ابسالك سؤال؟

!!! دحيم: اسالي

حصيصه : انت الحين تعرف تفحط ؟؟؟

(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي

حصيصه : والله ورني ابي اشوفك تفحط

(دحيم : توهق

(دحيم : خليها بعدين موب اليوم ( يبي يصرف

حصيصه : افا شكلك ما تعرف هههههههههههاي

دحيم : اوريك من الي ما يعرف

وهو الي يلف هذيك الفه وطراااااخ في الماصوره على طول

والحين حصيصه ودحيم في الشميسي الدور الاول غرفه 123

قسم الكسور

الزياره من 9 الى 12 ظهرا و 5 الى 9 مساء


ان شاء الله تهنيتوا بالعرس ؟ :14: هههههههههههههههههههه
اللهم بارك لهما وبارك عليهما وجمع بينهما بخير :14: خخخخخخخخخخخ
شكل عيوونك انحوولت من قراءة القصه
ملطووووووووووووش

تحياتي....

رذوووووووذه

[فهد ابن غنيم]

قريت القصه ثم ضحكت الين احولت عيوني هو في الا صل مايبغي الزواج يمكن حصيصه كانت تطقه يوم كانو صغار او انه متعقد من اسمها ، على العموم كل سا قط له لا قط هههههههههههههههههه

[رذاذ الشوق]

هههههههههههههههههههه اللي يسمعك يافهد يقول اسمه وائل او لؤي او من هالاسماء الحلوه .... من زين اسمه الحين (( دحيم )) من اي قاموس هالاسم :14:

اما عنه وعنها بصراااحه لايقييين على بعض ويعجبني اللي زي كذا احس ان حياتهم كلها اكشن وناسه وطهبله :3:

ويرفع ضغطي الجادين بحياتهم ... يعني مللللللل في ملللل :17:

على العموووووم .... مشكووووور خيووووه الغالي على مرووورك في موضوعي.... :26:

اختك
رذوووووووذه

[صدى الذكريات]

ههههههههههههههههههه
قصه حلوه روعه يارذوذه

[رذاذ الشوق]

متشكررررررره على مرووورك ياصدوووده....

وانشالله يرزقتس ربي بواحد عربجي مثله :29: خخخخخخخخخ :14:


تحياتي لتس....

رذووووووذه

[كونان]

حسبي الله على ابليسك يا المهبولة خربتي كيبوردي من كثر ما ضحك

ونبهتيني لمعلومة ليوم زواجي اني أستاجر مرسدس عشان ابن ابوه يفحط فيها :14:

[رذاذ الشوق]

هلااا وغلاا بكونان... من طول الغيبات جاب الغنايم ... وش جبت لنا .. اكيد برشومي :20:

ونبهتيني لمعلومة ليوم زواجي اني أستاجر مرسدس عشان ابن ابوه يفحط فيها

كونان يعني مافيه امل انك تعقل من التفحيط ؟ :2:

ولا وبيفحط على مرسيدس خخخخخخخ :14:

اجل على كذا يبيلك وحده عربجيه مثل حصيصهلمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

شووووكرررن على مرورك يالغالي....
تحياتي ..
رذوووووووذه

[دموع الورد]

رذوذه القصه رهيبه

بس الحين ما ابي أعلق على القصه

لفت إنتباهي كلامك

اما عنه وعنها بصراااحه لايقييين على بعض ويعجبني اللي زي كذا احس ان حياتهم كلها اكشن وناسه وطهبله

ويرفع ضغطي الجادين بحياتهم ... يعني مللللللل في ملللل صح الجد مطلوب ومهم في الحياة لكن مو دايم

أعجبتني الثلاثه أسطر هذي نفس تفكيري هههههههههه

لا رذوذه بعد يرفع ضغطي اللي على الصامت ههههههههه

شكراً على القصه رذوذه

[رذاذ الشوق]

هلاااااا وغلاااا بنووور المنتدى


صح الجد مطلوب ومهم في الحياة لكن مو دايم

صح صح يادموووعه.... بس اعرف وحده هي جاااده وزوجها جادلمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . يعني مستحييييل يجيبون سالفه فيها هبال ... بس رزقهم ربي ببنت وربي ماشفت اهبل منها واشقى منها وعنييييفه بشكل لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . :2: ...وعمرها ثلاث سنوات واذكر شاتتلها واحد من البزارين ولصقت راسه بالبابلمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
مادري من وين جابت هالفرخه كل هالشقاوه؟ لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

لا رذوذه بعد يرفع ضغطي اللي على الصامت ههههههههه

ههههههههههههههههههههههه
عادي حوليه على هزاز ههههههههههههههههههه

شووووكررررن على مرورتس اللي ضحكني (( على الصامت :14: ))

تحياتي لتس...

رذوووووووووذه

[ابو مي]

من الي زوج هذا الله لا يوفقه هو وحصيصة
هذا لازم يحط في قدر ضغط على نار هادية لين ينجعون شوي هذا توه ني

موضوع جميل جداً

حبيت أشارك فيه رغم أني مستعجل جداً

تحيتي لك ولجميع الأعضاء
وستودعكم الله

[رذاذ الشوق]

يشرفني ردك يالغالي ولو انك مستعجل......

بس لاتبطي .... ترجع بالسلامه....

اختك......
رذووووووووذه