بديهيــات ترفع الضغط:::::::

[البرنس]

البديهي أحيانا تتحمله اذا كانت أعصابك باردة ...
بس اذا كان دمك حامي تبي تعصب ويرتفع ضغطك ,,




خلـونـــا نشــوف أمثلة
مثــلا :
# أنت بغرفتك منسدح بالسرير ومطفي النور ومتلحف بالبطانيه >> أحيه يالبرد ...
يجي أحد أخوانك ويفتح الباب عليك ويقول : تبي تنام !!!

(( لا أبرقص على وحده ونص ,, أكيد أبنام ))
# أنتم معزومين عند ناس ورحتو لبيتهم وأول ما فتحوا الباب لكم : قال ولدهم " جيتــوا " !!!!!

(( لا رحنـــا ,, أكيد جينا وأنت وش تشوف ))

# والعكس : أنت لابس ثوبك وكاشخ ومشخّص بالشماغ وماشي بالبيت متجه لباب الشارع ,, يجي أحد من أهلك وينادي بصوت عالي : هاه تبي تطلع !!!!

(( لا أبدخل ,, أيه أبطلع ))

# أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز ,, أنت بكل ذوق تفتح القزازه وتقوله : آمر يالحبيب ؟
يقولك : أنت تبي تمشي !!!

(( لا أبفحط وأسوي خمسات .... أكيد أنا ماشي ))

# عزيزتي الفتاة مثلا أنتي بالكليه وقمتي من الطاولة عقب ألف سالفه وسلافه يتخللها الحش والضحك والغشمرة ورحتي عند الباب تلبسين عبايتك ...
تجي وحده ملقوفه من البنات وتقولك :فلانه مشيتي تبين تطلعين للبيت !!!!

(( لا أبطلع برا أشم هواء,, أكيد أبروح لـ بيتنا من زين الكليه ))

# مثلا ماسك سماعه التلفون وقاعد تضغط بالارقام يجي أحد من أهلك ويقولك : تبي تكلم بالتلفون !!!!
(( لا أبتفرج عليه ,, أكيد أبكلم ))

# مثلا : ماسك مذكرة أو كتاب وقاعد تحفظ ومتحمس .. جاء أحد وقالك : قاعد تذاكر !!!
(( لا أطالع التلفزيون ,,, أيه أذاكر ))

# تسبح بالمسبح بالاستراحه يجي واحد من خوياك يمر عليك ويقول : فلان تسبح !!!
(( لا أتروش ... اللي يسمعك ما تشوف أيه قاعد أسبح ))

ولا تعالــو شوفو قنواتنا واسئلتهم البديهيه البايخه ..,,

# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))

# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعباره أجل وش تبونه يقول بهالمناسبه ))

والأسخف من هالبديهيات اللي تضيع وقتنا اذا قابلو مع بزارينا ,,,

يقول المذيع للبزر : أنت تحب ماما وبابا !!!
(( أيه يحبهم أجل تبي يقول لا ))

المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!!

(( لا أبروح أكفخهم وأسوي هوشه ,,, أكيد أبعايدهم ))



& مدري البديهيات تملا الفراغ ولا سالفة لنا نقولها علشان نغث اللي عندنا

[دموع الورد]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

وأزيد ك من الشعر بيت

مثلاً واحد يتصل بيشارك في الإذاعة أو التلفزيون

يقول ممكن أشارك ههههههههه

أجل ليش متصل أكيد ممكن تشارك ماصدقو أحد يتصل

[فهد ابن غنيم]

ونا كمان ازيد ك واحد يشر على الخط ويقول يا الحبيب ممكن توصلني شوي معك وكل ما قلت له وين تبغا قال قدام شوي قدام شوي قدام شوي حتا تمشي نصف اطريق ، ولمثل يقول عش كثير تشوف كثيررررررررررر

[كونان]

مثلا ماسك سماعه التلفون وقاعد تضغط بالارقام يجي أحد من أهلك ويقولك : تبي تكلم بالتلفون !!!!
(( لا أبتفرج عليه ,, أكيد أبكلم ))

صار لي موقف مشابه جا اخوي وانا ابكلم واحد من الشباب يقول انت تكلم ولا وش تسوي؟؟؟


قلت أشوف مباراة الهلال وجوفنتوس :14:


وأزيدك من الشعر بيت وانت تدخل مواقف السيارات وتاخذ كرت الدخول يسئلك الهندي يبغا وقف؟؟؟


اجل ليش أدفع ريال؟؟؟؟؟؟؟؟؟؟؟؟؟؟