المساعد الشخصي الرقمي

مشاهدة النسخة كاملة : اضخم كتاب شعري لشعراء المسارده


خيال القروى
20 / 06 / 2005, 34 : 03 AM
الله يسعد لي مساء قلوبكم

قريبا راح يصدر ديوان شعري مطبوع

يحمل قصائد شعرا المسارده سواء المتوفين او الاحياء

وسيكون كتاب تاريخي بالنسبه لقبيلة المسارده

كمرجع ادبي ضخم

وياليت الاخوان اللي عندهم قصائد لشعراء مسارده

يرسلونها لنا كامله مع اسم شاعرها ومناسبة القصيده

وانا مستعد لتحمل جميع المصاريف البريديه واجور الاتصالات

واللي عنده اي موضوع او معلومه او قصيده

ياليت يراسلني على

s000000000s@hotmail.com

او ص.ب 375768 الرياض 11335

او جوال 0557784402

ولكم وافر وعظيم تحياتي



ملاحظه: قصايد حمد هادي غير مطلوبه لانها معروفه

ابو ضيدان

ابن مـــــســـــرد
20 / 06 / 2005, 38 : 11 PM
ابو ضيدان الله لايهينك على كل حال
واشكرك على هذا الفكره
واطلب منك ولا عليك امر ان تكتب قصايد الشاعر ابن حشد الموجوده في المنتدى
وباقي قصايده مستعد بأرساله لك اذا اردت ذلك


واكرر شكري لك على هذا الفكره

اخـــــــــــــــــــــــــــــــــــــــــــــــو ك
ابن مـــــــــــــــــســــــــــــــــــــرد

خيال القروى
21 / 06 / 2005, 59 : 02 AM
انا اتكــــلم عن شعــــراء واسماء معروفه

لااتكلم عن هواة ومبتديئن ....!!

ياليت مانتحيز لبعض ونكون جديين لان العمل اكبــــر من ان الواحد

يمدح اخوه بشكل مضحك ....!!

وتقدر تطبـــــع ديوان مايكلفك الف ريال ويكون جيد بالنسبه له ..!!

وياليت يالربع نكون بمستوى الموضوع او على الاقل نحترم بعض

وانا ويشهد الله ماحطيت عناويني الا لخدمة هالكتاب اللي يمثلنا ادبيا

ويحفظ ادب هالقبيلة العريقة تاريخيا وادبيا ..

( وانتم بني عمي الشي اللي يشرفني وينومسي اكيد انه يشرفكم وينومسكم )

والكتاب ماعتبره كتابي اعتبره كتاب اي مسردي يفتخر بربعه بعيدا اكيد

عن العنصرية .....

وانا متاكد كلنا نمثل بعض الا اذا طرح مثل هالموضوع فيه مايسئئ رغم

ادراكي بما اكتبه فهذا شي الاخوان بالاداره مسؤلين عنه ....

وياليت يكون تفاعلنا مع الموضوع بحجم تفاعلنا كاخوه( وبني عم) ...

وياليت يابن مسرد نبرك مباريك الجمال وحنا جمال وانا اخوك.....!!!

وتحيــــــــاتي للكــــل ...

ابن مـــــســـــرد
21 / 06 / 2005, 11 : 12 PM
اخـــــــــــــــــــوي ابو ضيدان
انا لم اتكلم عن شاعر مبتدي او هاوي لشعر انا اتكلم عن شاعر له سنين طويله يمارس الشعر,
منذ ضغر سنه وهو ينضم القصايد
ولو كان مبتدي او في شعره اي شيء من النقص كان لم يسمح له بالقاء القصايد الوطنيه اما الامراء
وانت تعرف هذا الشيء ,
وانا والله يشهد لم ابحث عن
العنصريه
والشاعر ابن حشد ليس اخوي كما تقول
بل احد ابناء عمومتي وانا انطق كلمة الحق هو شاعر ومعروف في قبيلة المسارده اكثر منك كاشاعر
قام بلع المحاوره في الميدان عند قبيلة المسارده مع شعراء القبيله المعروفين
واذا كما قلت مدحي له يفشل او اني ابحث عن العنصريه
اسأل عنه كبار شعراء المسارده وانضر ماذا يقولون
وانا سمعت وحضرت عند شعراء كبار من المسارده ومستعد بذكر اسمأهم شهدو له واثنوا على شعره
وهو واثق من شعره .
على العموم ابو ضيدان
اذا كنت لا تريد الشاعر ابن حشد في الديوان الذي ستقوم بتأليفه فهذا شيء راجعلك ولا احد يغصبك
ان تكتب عن هذا الشاعر
وهو لم يفكر في تنزيل ديوان والا يبشر بسعد لو كان يكلف مئة ألف وليس ألف الريال
وهو والله مايدري عن كلامي الي اقوله الحين ولم يطلب مني ان اكلمك بكتابت اي قصيده له
لكن من باب المساعده لك وتذكيرك بشعراء قبيلة المسارده ذكرت لك هذا الشاعر

ومن ناحية نرتكي للحمول فهذا ليس فيه اي شك وحنا نتحمل الحمول والمصايب التي اكبر من ذلك بكثير
والسالفه كله ديوان مايحتاج كثرة الكلام بيننا ونحن ابناء عم


اخــــــــــــــــوي ابو ضيدان
اكرر اردت وضع هذا الشاعر فهذا شيء راجعلك اذا ماتريده لا احد يجبرك على هذا الشيء والقلوب بيض

تقبل تحياتي
ابن مــــــــــــــــســــــــــرد

خيال القروى
24 / 06 / 2005, 49 : 06 AM
شف وانا اخوك لكل انسان قدره في الحياة

وانت قلت انك تبرك مباريك الجمال وانت جمل وواثق من نفسك

ويعلم الله ماحبيت ارد الا احقاقا للحق وان اللي مثلك يتركون عنهم

مغالطاتهم واستهتارهم اللي خسرنا

من وراه الكثير من الاعضاء المميزين ... قاتل الله الجهل والحمقى !!

باسالك سؤال ؟؟

نشرت قصيده في منتديات جاش تحت توقيع ابن حشد بعنوان العمات وهي

في الاصل

لوالده وانت تعرف هذا فهل من ياخذ قصائد ابيه وينشرها على انها له

يعتبر من شعراء المسارده؟؟؟

بعدين منهم شعرا المسارده اللي شهدوا له؟؟؟ واي محاورات تتكلم عنها

؟؟ مع الهاجري والا مع ابن شايق

والا مع شعراء المحاوره المشهورين؟؟؟

ياليت تترك عنك الكلام اللي لايغني ولا يسمن من جوع

وكل الرجال اللي عندهم معلومات وقصائد وملاحظات اتصلوا على الرقم

اللي انا حاطه

ولو انت انسان جاد اتصلت وقلت معلومتك او ملاحظتك بس من السهل ان

اي انسان يدخل ويسجل اللي يبيه

تحت اسم مستعار ويحاول يتطاول ..

واقسم بالله العظيم اني لو ادري ان اول مبادره منك وعن شاعر مثل رفيقك

هاللي تبي تعطينا قصايده

اني ماحط هالاعلان بس اللي يهونها الرجال اللي يقدرون واتصلوا وانا

اشكرهم كل الشكر وبيض الله وجيهم

واذا فيه نجاح للكتاب فهم من اسباب نجاحه وماشجع الرجال لاثار غيره ماشجعه

غيرتهم على اسم قبيلتهم كانت سبب والله يعطيهم العافيه....

مهيب علومك اللي اخجل من اني ارد عليها

ومعرب الجدين وانا اخوك مايورط نفسه في مواضيع مهوب كفو لها

تحياتي للكل

ابو جعفر
25 / 06 / 2005, 39 : 02 AM
الخ العزيز خيال القروى الله لايهينك على الديوان الذي بديت فيه وكثر الله من امثالك الذي يبذلون الجهد في اى شي يضهر علوم ربعه
من طرف القصايد فانا انشاالله ابرسل لك قصيده لبن الاشدق قديمه في وصف الابل وعدة قصايد لبن بنا ومشكور والله لايهينك

خيال القروى
25 / 06 / 2005, 50 : 04 AM
ارحب يابو جعفـــر

والله لايهينك..ويبيض وجهك

وياليت تتصل فيني للاهمية

اجمل التحايا

ابو طلال
25 / 06 / 2005, 41 : 09 AM
ابوضيدان الله لايهينك لاتنسى ابو محمد

أبو فـلاح
25 / 06 / 2005, 48 : 02 PM
ابو ضيدان
يعطيك الف عافية وحقيقة أن هذا سيعد إنجاز غير مسبوق وتحرك سريع لحفظ ماتبقى من قصائد شعرائنا قبل أن تضيع ...
وأنا مستعد لكل ماتريد أخي العزيز من مال وجهد وبحث ...

فقط وددت توجيهك الى نقطة لاتفوت أمثالك يابو ضيدان ..هناك شيبان حفاظ للشعر وقصائد شعرائنا وهم من سيوثقون لك هذا الكتاب باذن الله ..
عندما أحادثك هاتفيا سأعطيك أسمائهم وأرقامهم ....
تقبل خالص تحياتي

اخو فريال
25 / 06 / 2005, 58 : 02 PM
مما يسعدنا مثل هذه المواضيع التي لها الشأن العظيم في إثرى تراث القبيلة لي سؤال هل نشارك بالقصائد لغير المساردة في المساردة.
على اي حال بيض الله وجهك .

سفير السعد
26 / 06 / 2005, 37 : 02 AM
الاخ خيال القروى عزالله انك ماقصرت ورايك سديد وكلنا مشتاقين لرؤية هذا الكتاب

خيال القروى
26 / 06 / 2005, 59 : 03 AM
ارحب يابو طلال

وانشاء الله ماراح انساء احد من شعراء المسارده

بس طال عمـــرك من ابو محمد ...؟؟

اجمل التحايا ابو طلال

خيال القروى
26 / 06 / 2005, 07 : 04 AM
ارحب ارحب يا جاش.نت

الله يعافيـــك طال عمرك

وانت ذخــــر جعلني ماعدم حالك ياكحيلان

وصدقني اني افرح واسعد بأي أضافة و معلومه او قصيدة تخدم

هالكتاب وانشاء الله يكون بحجم ومكانة هالقبيلة اللي نفخر بانتمائنا لها

وبفضل جهودكم وجهود المهتمين سيكون مرجع نفخر به بأذن الله

وانا بانتظـــار اتصــــالك الله يحــــييك

فقــــــط .. دمـــت لنا يالقرم

اجمل التحــــــايا...

خيال القروى
26 / 06 / 2005, 11 : 04 AM
ارحب ياخــــو فريال..

ووجهك يالنشمي..

وانـــا يسعدني اهتمامكم وحرصكم ..

والكتــــاب سيكون فقط لشعـــراء المساردة ..

اجمل واعذب التحـــايا..

خيال القروى
26 / 06 / 2005, 15 : 04 AM
ارحب ياسفير الحزن

ومرحبا والله ومسهـــلا

وجعله مايقصر عمــــرك يالقرم

وانشاء الله يكون بحجم تطلعاتكم

دمت لي .. اجمل التحــــايا

ناصر بن هذال
28 / 06 / 2005, 27 : 11 PM
الاخ خيال القروى........تحيه طيبه وبعد

هذي قصيده قديمه قبل اكثر من 80 سنه ل/ راجـــح بن شري

آمل أدراجها في هذا الكتاب وفقك الله

وويقول فيها


الصبي راجح بدا راس قاره=ومعرض وجهه للفح السمومي
يالله لاتجعل تعبها خساره=درهامها مع قوي الحزومي
عشان ورع حط بالخشم شاره=ومبيسمه يزها بثمان الرقومي
منيب منهو شاطي بالحظاره=ومظري عمره بشبر الرسومي
أضوي عليها لابس لي غتاره= وأجيب نابية السنام الردومي
هذا ماوصلنا وحفظنا منها ....وتقبل خالص تحياتي

ابو جعفر
30 / 06 / 2005, 58 : 03 AM
الاخ ناصر اسعد الله اوقاتك القصيدة لها اكثر من 150 خمسين سنه ارجو الدقه في التاريخ طالما ان الكتاب يخص المسارده نرجوا الدقه في ةالتاريخ لانه مهم تحياتي ابو جعفر

ابوخالد
04 / 07 / 2005, 59 : 03 AM
الله لا يهينكم يا الربع ......
ونحن في انتظار هذا الكتاب ....
ونصيحتي لصاحب المشروع وفقه الله......
ان تكون مصادره من كبار السن لان هناك الكثير من القصائد التى اندثرت بسبب انقطاع النقل ..
لكنها موجوده ولدى رواه من المسارده ...
والابتعاد عن المجاملات .. فهذا تاريخ وميراث ثقافي ..وسيطلع عليه رجال من قبائل اخرى ...وسيكون مرجع للاجيال القادمه..وانا مستعد ان ارشح لك رجلان من كبار الرواه وهم ...
رجا بن عسل بن شري ...وعبد الله بن حسن الوعيل ..
ولم اقل هذا الكلام الا لانبهاري بزخم المعلومات لديهم ..وحفظهم للقصه والقصيده واسماء الاشخاص المعنيين بها وتاريخها..
واتمنى لك التوفيق وانهاء ما بدات به ..

خيال القروى
04 / 07 / 2005, 11 : 06 AM
ارحب ياناصر

وسعيد بمرورك وياليت يابو هذال تحاول تبحث عن القصيده كامله

او شبه كامله....

وشاكر ومقدر اهتمامك يالقرم..

اجمل التحايا

خيال القروى
04 / 07 / 2005, 15 : 06 AM
الاخ الغالي ابو جعفر

لاهنت ياكحيلان على التوضيح

واكيد مهم التاريخ وسيرة الشاعر الذاتية

ولاعدمتك ولاعدمت حماسك ولاهوب غريب منك العلم الغانم

اجمل التحايا

خيال القروى
04 / 07 / 2005, 22 : 06 AM
ارحب يابو خـــالد

ولاهنت على التعليق

والدقه مطلوبه وبعد اكتمال القصائد راح يكون فيه اجماع على

القصيده وشاعرها وهذا مهم جدا

وابو عسل وابو حسن محل الاهتمام وقريبا راح يتم الاتصال فيهم..

واللي عنده قصائد ومعلومات ياليت مايبخل علينا ...

وكل الشكر من الاعماق يالقرم

وصدقني مرورك وطرحك شي اعتز وافتخر فيه

لاعدمتك واجمل التحايا..

سلطان آل حيدان
11 / 07 / 2005, 22 : 02 PM
السلام عليكم ورحمة الله وبركاته
الأخ خيال القروى
أسعد الله مساك
والله لا يهينك على هذا المجهود الطيب
الذي يخدم قبيلة المساردة والأجيال القادمة للحفاظ على هذا التراث العريق
واسأل الله العلي القدير أن يوفقك إلى مسعاك

أحببت أن أقدم لك هذهالقصيدة المختارة
عسى أن تعجبك إن شاء الله ( هنــــــــــــــــــــــــــــا ) (لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .)
تحياتي

خيال القروى
13 / 07 / 2005, 54 : 02 AM
ارحب ياسلطان

وبيض الله وجهك يالقرم على هالقصيده

وشاكــــر ومقدر جميل اهتمامك وفعلا قصيدة تستحق الاشادة

ومجهود يستحق الشكــــــــــــــر لاعدمتك

وبانتضار اتصالك............

اجمل التحايــــــا

ابو جعفر
20 / 07 / 2005, 25 : 03 AM
خيال القروى ويش اخر المستجدات مجهز لك اربع قصايد نادره من شعرا لهم اكثر من 100 سنه
اعصب راسك تحياتي لك

خيال القروى
22 / 07 / 2005, 46 : 12 AM
ارحب يابو جعفـــر

ابشرك الامور ماشية على مايرام

وتم جمع العديد من القصائد

وتلقيت اتصال عزيز من الشيخ جعفر بن جمل

اللي ابدى رغبته بدعم الكتاب ماديــــا وتزويده بقصائد نادره

للشعراء المسارده

وحرصه على ان يكون الكتاب وافي ويكون بحجم هالقبيلة

فشكرا من الاعماق لابو ناصر وبيض الله وجهه ....

وبيض الله وجهك يابو جعفر وشكرا لحرصك ودوام متابعتك

وانا محتزم بك للثنادي وانا اخوك...

وبانتضار الحصول على المواضيع اللي عندك

كل الشكر ابو جعفر ولاهنت يالقرم

اجمل التحايا