ضاوي العصيمي

[فهد ابن غنيم]

--------------------------------------------------------------------------------



















يامنتظرنـي ليـن اقـول ارجـوك أبـا وأبـا وأبــا

يصعب عليّه نثـر دم الوجـه والحاجـه مصيـر



ان كـان مـن نظـرات عينـي ماعرفـت اللـي غبـا

سقت الركايب والضماء يشوي مراهيف الضميـر



الـمـوت فــي دارٍ خلـيـه ماوطتـهـا الا الظـبـا

اخير من موت الكرامه فـي نظـر عيـنٍ قصيـر



ماقـول تكفا..ياعبـيـر الــورد وانـسـام الصـبـا

اجيك مقداري كبير ولـن رحلـت أرحـل كبيـر



ترفعنـي الشيمـه وعــز النـفـس والــذل يهـبـا

أنسى أني احني هامتي واعيش في عينـك صغيـر



يغنينـي الله عـن ذهـب كسـرى وعرشـك ياسـبـا

وش زين مجلاسي تحت سقف السعف فوق الحصير



أحسـب فصولـك يالسنـه زرقـا وغـبـرا وشهـبـا

ومجهم ولال العبـد عـن ماقـدره ربـه مطيـر



كـم مـن كريـم شـح دنيانـا عـلـى كـفـه حـبـا

وكم من لبس فيها السمـول الباليـه عقـب الحريـر



ولاينصـف الفـلاح باللـي بــدده طـيـش الـدبـا

مـن الحلـوم الايلـوذ برحمـةالـرب البصـيـر



يامنتظـر ليـن اسالـك جيتـك وفـي عيـنـي نـبـا

اقرأ عيوني ياخـر الهقـوه تشـوف ابهـا الكثيـر



وأن ماعرفـت القصـد أعـود بعزتـي ماقـول أبــا

وأبقى غني النفس وانت اللي مـن احساسـك فقيـر










من يوم مات الوفاء والصدق والخوّه
ماعاد يبكي حياته واحدٍ صاحي
ضاوي العصيمي