المساعد الشخصي الرقمي

مشاهدة النسخة كاملة : _-( خش دغري هنا ولا تفكر )-_


ابو مي
12 / 06 / 2005, 50 : 08 AM
أهلين وسهلين
بما أنك دعست هنا فأنك مقبل على قراءة الموضوع بلكامل

بلحقيقة هو مو موضوع واحد (( حايق لكم كم موضوع في موضوع واحد )) <<< برت بلاس مو أحسن منا
وبما أني أدري من صميم مهجتي الحساسه بكل ما يدور حولي دريتا أنكم مشتاقينا المواضيعي فيذا .. والله محد يحلف مصدقكم بدون حلف .<<<< اها أخلص

بينما أنا جالس فاق خشتي قدام التلفزيون وقلب في القنوات هوتبير <<<< وشهو ؟؟ وشقلت؟؟ << أقصد عربسات << جاب الطعه

ماعلينا ونا أتابع ومنسجم مع تقليب القنوات <<<< والله صدقت ماتقر على قناه وحده تقول كنك مضيع فسحتك في التلفزيون وقاعد تدورلها .. :31: .. شفت برنامج كلام سحالي .. أقصد كلام نواعم وبصراحه حسيت بلوعة كبد غريبه يانهم شايفين أنفسهم بيحلون مشاكل الكون ها السحالي خاصة هذي العجوز الدبة غادي وجهها كنه كورة أم خمسه ريال ومنفشه وتكلم عن حقوق المرأة ونست حق الله الله لايوفقها
لا وفرح بسوس توزع بتسامات تقول خبله ومربطينها ومغير تهز هذا الراس يبالي فاهمه وهي من صادق الدجه <<<<<< تحس أنه يعرفها :
صراحه أندبلت كبدي وغيرت القناة وكل قناة أحط عليها أحس أن الغثيان بزيد عندي وكملت على البقية بقناة السودان لقيت حاطين جلسه غنائية طبعاً ماشفت أحد لين جبتلي كبس ( بجلي = كشاف ) وشغلته على الشاشة علشان أعرف وش سالفه لاني سمعت ( تابلاشمرلاصشحك بيرتص) طلعو يغنون هههههههههه
لا لو تلاحظون بعد أن حتى الأعلانات قامت تسمج يعني كني شفت سيقان وعصاكيل وملابس غير محتشمة بدو يخربونها أصحاب القنوات الفضائية . خاصة أعلان السفن الجديد <<< مايفوته شي ء :21:

ولا يجيب الهم مثل أعلان بيرة بيربيكان .. هذا صاحبي .. هذا مكاني ... هذي سيارتي .. هذا مشروبي ...
طيب وش أسويبك في القلعه أنت وسيارتك وشلتك ..لا والمشروب معكم بعد <<<< مادري المخرج منين جاب هذي الفكره أخر مشحنا هو وصديقه ....وش شايف نفسه هو وجهه .. الســهم على غفله :7:

كرهوني التلفزيون الله يغثهم قلت اروح أتمشاء على السيارة ولا أسير على أحد أعرفه <<<< ولا نواي تسيرعلى أحد متعرفه. :2: .. قلت مابه لا هو ..جاش نت رحت وطقيت عليه الباب ويطلع السكرتير حقه عند الباب
أنا : وين مديرك
سكرتير: فوق وش تبيبه
أنا : ابيه ناده
سكرتير : اقول لا لا راح لصالة الرياضية
أنا : توك تقول أنه فوق
السكرتير : انا السكرتير ولا أنت
أنا : لا أنت
السكرتير : خلاص بكيفي
أنا: طيب
ومسكه وفرك براسه على الباب .. عاد بابهم شي حديد وشي قزاز .. وفركه لين طاح خشمه واخذ خشمه وحطه في كيس وعطيه أياه <<<< شغل عصابات

وروح أدور لأحد اسير عليه قلت مابه إلى سطام ولما وصلت عند باب المخيم لقيته واقف بدلة يصب القهوة للمارة في الشارع قلت له وراك واقف عند الباب بدلتك قال تعرف يا بو الشباب لزوم وشغلات مهايطة قلت أنا بروح تبي شيء قال ماودك بمهايطه ولا مهايطتين قصدي فنجال ولا فنجالين قلت تكرم متقهوي مع كلام نواعم

ورح ادور الاخطبوط ولقاه جالس مع شلة مصارية والغريب أنه هو الي يتكلم ولا فيه مصري ينبث معه بنت شفه <<<< خدر روس المصارية بلحكي
قلت إذا رحت للبحر المحيط بسويلي محاظرة ونا ماني فايق وزائر اليل وين القاه على الماسنجر ذا الوقت

قلت بروح لشرطة أشوف وش أخر أخبار الأحساء .. يوم وصلت لقيتهم مسكرين يتابعون مسلسل عصر الجنون <<<<<< مسبووووووووووووه

المهم رجعت للبقالة وشتريت منها جيك حليب نادك بريال
<<<<<< جيك بسته يا نصاب
لأنه منتهي تاريخه يا ملقوف
<<<< أها ليش عندك قطوه في البيت
ليه شايف قلبي حجر أعطي القطوه حليب منتهي تاريخه هذا الحليب لي
<<<<< ليش تبي تنتحر
أنتحر بحليب يا حقنه ... بس لأنه ارخص
<<<<< وعلشانه ارخص تقوم تشتريه
الحليب ينتهي بعد يوم ونص من التاريخ المسجل له (( معلومه ماخذها من واحد يشتغل في المراعي ههههههه))
<<< طيب بتشرب الحليب في يوم ونص
مو لازم أخلصه يا دبه أهم شي يشغلني عن القهوه والشاهي الي ذبحوني
((( أضمير المعاتب = <<<<<<)))
ورجع على البيت ولقاء ابوي ومي متهاوشين وكله من سبت هذا البلاستيشن كل واحد يقول أن اليد الي معي خربانه وانت ماخذ الصالحه

وقوم واخذ البلاستيشن وخبيه ولما أنتهوا من هواشهم معاد حصلوا البلاستيشن وتقوم أمي وطلع ورقة البيلوت من جيبها وتضرب بها كفها وتقول تعال ياشايب أكسر راسك بل بيلوات ويكملون الأربعه بخواني الصغار
قلت أحسن على الأقل ما يتهاوشون عليه مثل البلاستيشن وروح الغرفتي شوي إلى صوتهم واصلني فوق
وشفيكم
أبوي : أشيخه أمك تقطع وقلنا ماعليه بس أنها تقول ماعندي سرا هذا الي ماينقبل
امي : ابوك بسمله عليه يفرش ثلاثه من الولاد ويقول ميه والولد الرابع عندي قلنا ماعليه بس أنه يرص الورق محد منا برى المية حتى يرص لا والف لا <<<< معزمه الغالية الف لا!!!!! ههههه

قلت وشرايكم تقلبونها ضومنه ولا كيرم مو أحسن قالوا أقلب وجهك مالك شغل

صراحه أنا أنسان أعيش في فراغ كبير أحس أني أتدحرج في داخله دون هدف تدهورت حالتي الصحية
ورفاق السوء طيحوني في البايسن وأدمنت عليه الله يخلصني منه<<<< والله من الرخيص
أحس أني في حاجه إلى يد حنون تطبط علي برفق كل الناس مشغولين عني <<<< حال شباب البطاله في السعودية <<<< أنا ماني عاطل عن العمل <<<< عملك والدجة سوا
أنا أحس أن دموعي بدت تطلع غصباً عني رغم محاولاتي لعدم ظهورها للأضواء زي طفل أحلام <<<< تحسون أن في راسه تسريب هوا
أنا مشتهي برتقاله <<< اسأل عنها علاء سعد <<< ياشيخ أنا اقصد فاكهة البرتقالة لان فيها فتامين C << أها علبالي الفنانه <<< فتامين C تقوي المشاعر الحساسة زي سقنل تو للأسنان

أنا مجروح من زماني ودليل شوف لزقات الجروح على صدري من طعنات الزمن لي من الخلف <<< توك تقول في صدرك ليش الأخ يمشي على ورى <<<< ياخي هذا معنى مجازي وش عرفك أنت يا الضمير المعاتب <<<< بلاك أنك متعرف تهرج مثل العالم <<<<< وينه العالم الي تكلم عنه <<< قلبتها لكم فلم مصري ههه

ماعلينا أنا اليوم تطهمزت على الكرسي وقمت أهرج عليكم وعطيكم منذا الرخيص لأن رذاذ تقول وين مواضيعك وصراحه بعد الرساله طوالي نقشت لكم ها الخثردها على حد قول رذاذ

وكني أحس أن هذا الموضوع بيوخذ بأذنه ويحط في محرقة المنتدى
بس لي طلب سعنطوط خلوه لمدة اربع أيام قولو ليش ؟
أهاااا قلتو ليش لأاني والله مادري ليش بس هاكذا ولربما تنسون ماتحذفونه

وكما اقول في مواضيعي الي في منتدى الفرفشة الهدف منها الأبتسامة قدر ماستطيع
ولي أستانس يدق على هذا الرقم ( *****0503) تم حذف بقيت الرقم من قبل الأدارة
ليش حذفتو الرقم هدفي علشان يعلموني وش أعجبهم في الموضوع بس

الأدارة : يا نصاب حركات نص كم ممنوعه هنا

أصلاً أنا قاصد أني أكتب الرقم وداري أنكم بتحذفونه الأني شايف مقص الرقيب أبطاء ماشتغل فحبيت أنشطه <<<<<< يرضي جميع الأذوااااااق
وعلى فكرة تراني مكتب إلى بصبع وحده يعني تخيلو كم قعدت أكتب هذا الموضوع <<<< كنك تهدد

لا لا بس المح

أخوكم الســـــــــــــــــــــــــــــــــــــهم

Sattam
12 / 06 / 2005, 36 : 11 AM
مهايطة هاهههههههههههههههههه


الله يا الدنيا


نيسينا ما كلينا..... أيام زمردة ( الجركل الازرق )


مسوي فيها عررررررررربجي


المشكلة بجيك واحد مسوي فيها عاقل و مأدب و فاهم


وهو الله يستر عليه اعدى منك ههههههههههههههههههه



يا عوينك ياااااااااااااا السهم

كونان
12 / 06 / 2005, 51 : 08 PM
برنامج كلام سحالي .. أقصد كلام نواعم وبصراحه حسيت بلوعة كبد غريبه يانهم شايفين أنفسهم بيحلون مشاكل الكون ها السحالي خاصة هذي العجوز الدبة غادي وجهها كنه كورة أم خمسه ريال ومنفشه وتكلم عن حقوق المرأة ونست حق الله الله لايوفقها
لا وفرح بسوس توزع بتسامات تقول خبله ومربطينها ومغير تهز هذا الراس يبالي فاهمه وهي من صادق الدجه
والله انك صادق اللي يسمعهم يقول انهم بيحلون مشاكل الكون تصدقون انهم جايبين صيني مدري تايواني يتكلم عن قيادة المرأة السعودي للسيارة

عاد انا سمعت انه خالد بن طلال غسل شراعهم بعد ذيك الحلقة

المهم السهم ماودنا نفضح فيك
لكن بنخربها

الرقم الأصلي للمدعو السهم


رقم العشة 1234567

رقم البوفيه اللي 24 يتكي فيها 7654321

واللي يعرف زود يعلمنا

البحر المحيط
14 / 06 / 2005, 06 : 02 AM
السهم هذا موضوع ولى اضبارة اعترافات لعقلك الحاقد على تفوق سحالي الهلال الخصيب ......

موضوع يدل على تخلفك الفني وعدم وجود حس يرعى المواهب المبتديها خاص العجوز الي تخطو خطوتها الأولى الى الشهره ....

المشكلة بجيك واحد مسوي فيها عاقل و مأدب و فاهم


وهو الله يستر عليه اعدى منك ههههههههههههههههههه






لا يشيخ ................ تاريخي ابيض ولشكر لكرولكس .....

ناس تعرف كيف تغسل ماضيها بيدي خبراء التقنيه الحديثه

ام انت فانت معروف الدي ولكن لم ارى وجهك قط ولا تسلني اسل خشمك ....واذا زت زدنا

قال ينتقدني .... في تاريخي ..........وما تاريخي .... الى عثرة شاطر .... عرف كيف يصرفها ..... كتصريفة العجوز الي طاحت من الدرج ............ قالت وش رائكم في الحركه ...

تحياتي القلبيه

لمن كتب وقراء ....

أبو فـلاح
14 / 06 / 2005, 34 : 10 AM
ههههههههههههه اقول أنت وش اللي حادك على بنت بسيسو والعجوز المتصابية :14:

بس بيني وبينك نبي نغير من جدولنا اليومي يعني المفروض نستقبل المسايير من الساعة الواحدة مساء :6:

انا امس راز وجهي عندكم من 8 الى 12 وأنت طول ليلك قاعدت تكتب هالمعلقة :24:

يالله مبرووووك على الأقل لقينا مجال يمكن نستفيد منك فيه :5:


السهم هذا موضوع ولى اضبارة اعترافات لعقلك الحاقد على تفوق سحالي الهلال الخصيب ......

السهم تكفا وطلبتك أبي أعرف وش يقصد هالحبيب بكلمة ( اضبارة) وفي اي معجم القاها ؟؟؟تعبت حتى في معجم الاخطبوط مالها أثر ..

البحر المحيط
15 / 06 / 2005, 24 : 12 AM
اضبارة[/color]) وفي اي معجم القاها ؟؟؟تعبت حتى في معجم الاخطبوط مالها أثر ..

[/align][/size]


أخي : السهم خبر الأخ في أي معجم يجد بغيته لقد تأبط المعاجم وهوا غرير بها (السير حسن ) اعانه الله ....

وأسالة اخر مرة قرأء معجم الخطبوط .......متى ...

علماً أن كلمة اضبارة مع بعض التحريف موجوده في اسفل المعجم الخطبوطي وفي الوسط تحديداً .........

(الأخ الذي لأ يتقن الأ التصفيق ماله ولردود الحاره )

7
7
7
7
7
7
7
7
7
7
7
7
7
7
7
7
7
7
7
7
خشيت فعينه على طول .......................صح
لا تلوموني ادور له من زمــــــــــــــــــــــــــــــــــــــــــــــــ ـــــــــــــان

رذاذ الشوق
15 / 06 / 2005, 30 : 11 PM
شفت برنامج كلام سحالي .. أقصد كلام نواعم
كلام هالسحالي اللي موعاجبك يحل المشاكل ومادري وشو ... احسن من كلام التماصيخ ... اقصد (ادم) .... اللي واحد من مذيعينه ساد الشاشه من نحفه :14: اقصد يوسف الجراح.... وبصراااااااحه البرامج هاذي مالها داعي من بعد مقالك مادري خثردتك...وشوله نتابع هالبرامج مدام الدكتور السهم حلال المشاكل فيه...

بس يادكتور احب انصحك انك تعالج انفصام الشخصه اللي فيك
المهم رجعت للبقالة وشتريت منها جيك حليب نادك بريال
<<<<<< جيك بسته يا نصاب
لأنه منتهي تاريخه يا ملقوف
<<<< أها ليش عندك قطوه في البيت
ليه شايف قلبي حجر أعطي القطوه حليب منتهي تاريخه هذا الحليب لي
<<<<< ليش تبي تنتحر

منهو هذا اللي تهاوش معه .... والله يانا بغيت اجيب العجره وافزع معك :12: ....... ايه انا رذوووذه ام الفزعات... ولا شفت مشكله ماتشوف الاغباري وراي <<< هاربه عن المشكله :3:

واللي يعرف زود يعلمنا
ايه كونان انا اللي اعرف (( انه يمتلك خشم مصنوع في تايلاند اي خشم مغشووش الصناعه)) :14:

شوووووووكرن على الموضوووع الللي فطسني من الضحك

تحياتي لك وشوووووكرن لك مرة اخرى...

اختك..... رذوووووووذه

ابو مي
16 / 06 / 2005, 47 : 10 AM
سطام أكيد شي كليناه ونسيناه ولا يدوم إلى وجه ربك الكريم ودليل أسأل زمرده

مشكرور على الرد يالغالي بس لاتنسى تحط على الكامري أنتل كنود وتركب كفرات بيلووون :14:

ابو مي
16 / 06 / 2005, 57 : 10 AM
عاد انا سمعت انه خالد بن طلال غسل شراعهم بعد ذيك الحلقة

إذا سلمنا من أبن طلال فحنا بخير :5:
تصدقون انهم جايبين صيني مدري تايواني يتكلم عن قيادة المرأة السعودي للسيارة
طبعاً مالقوا أحد من السعودين يرضى بهذا فجابو من براء أهم شي يعبون الحلقة :3:


المهم السهم ماودنا نفضح فيك
لكن بنخربها

الرقم الأصلي للمدعو السهم


رقم العشة 1234567

رقم البوفيه اللي 24 يتكي فيها 7654321

ماقصرت وش بقيت أجل

ثم رقم العشة !!!! قديم أنت الحين أنا ساكن في صندقة دورين على شاطي العيون

طيب ليش ماحطيت رقم جوالي عادي عادي والله مزعل :14:

اي بوفية حنى مو مثلكم أهل ابها نتكي في البوفيات لا حنة نتكي في القهاوي ولا في محلات الي تبيع الفصفص :14:

مشكور على الرد كونانو

ابو مي
16 / 06 / 2005, 05 : 11 AM
أخي البحر المحيط
مشكووور على المرووور
أنا مو حاقد على السحالي الهلال الخصيب ولكن هل ترضيك مدنيتهم التي تجاوزت حد الأبتذال ياخي والله الوحده منهم تبي تطلع على التلفزيون ولو كلفها هذا أغلا ماتملك خاصه غرب ذالك الهلال (( البنان ))

ثم وراك دلعت الخيشه ونثرت كل مافيها :18:
الوعد نهاية الأنتداب :33:

ابو مي
16 / 06 / 2005, 16 : 11 AM
انا امس راز وجهي عندكم من 8 الى 12 وأنت طول ليلك قاعدت تكتب هالمعلقة

هههههههههههههههههه أحسن أكثر من مره أقول إذا جيتنا دق على جوال حتى أنزل عليك تحت



يلعن أم الجول تراه بلاش بلاش بلااااااااااااااااااااااااااااااااااااااش

ولا توفر على الأتصلات بعد !!!!!!

إاخي خلهم يصرفولي جوال مجاني وشووف كيف أكلم ... ياشيخ والله لكلم حتى السنقال أسلهم وش سوو بريسهم :4:


السهم تكفا وطلبتك أبي أعرف وش يقصد هالحبيب بكلمة ( اضبارة) وفي اي معجم القاها ؟؟؟تعبت حتى في معجم الاخطبوط مالها أثر
ياخي وش دخل هذا في هذا.... هذا على نظام وذاك على نظام آخر
يعني السستم يختلف هههههههههههههههههههههههههههه

بنشد عنها وبشوف .... أنا اعرف وين القاها :7:

ابو مي
16 / 06 / 2005, 37 : 11 AM
...وشوله نتابع هالبرامج مدام الدكتور السهم حلال المشاكل فيه...

السهم هذا الي مو عاجبك يحل مشاكل أد الدنيا .... عندك أعتراض :18:


بس يادكتور احب انصحك انك تعالج انفصام الشخصه اللي فيك

هذا مو أنفصام مرضي يا رذاذ هذا مجرد حوار مع النفس
ثم المعلوميتك بس أني أنا الوحيد الي أسولف مع نفسي في هذا المنتدى وأستطيع أن أحاورها ........... أعلمك ليش ؟؟؟؟؟
لأني لم أجد من ينافسني فنافست بعضي :7:

((((( ليس لي ند . فبعضي لبعضي نّدِا )))))<<<< أنواع الغروووور ... وبرضوه عندك مانع يارذاذ

منهو هذا اللي تهاوش معه .... والله يانا بغيت اجيب العجره وافزع معك ....... ايه انا رذوووذه ام الفزعات... ولا شفت مشكله ماتشوف الاغباري وراي <<< هاربه عن المشكله

اها أجل انتي الي طالع صوت كراعينك مع الرياح مشطفه علي ومتوجه يم باب المنتدى <<<<<<< لا راعية فزعات باين عليك

ايه كونان انا اللي اعرف (( انه يمتلك خشم مصنوع في تايلاند اي خشم مغشووش الصناعه))
هههههههههههههههههههههههههههههههههههههههههه
أنا نسيت هذي السالفه من زمان
بس على الأقل خشمي راكب صح مو مثل بقيت وجهك الي يقربع من سبب الصواميل الي متحلحلة فيه طالعة قربعته كنها رفارف هايلكس قربع من حقات المقاولين هههههههههههههههههههههههههههههه

شوووووووكرن على الموضوووع الللي فطسني من الضحك
لا على الطاري رذووووذه أنتو تضحكون زينا ولا لكم ضحكه خاصة يا السحالي يعني بكونكم كائنات غريبة خاصة القصيميات منهن ههههههههههههههههه


رذاذ الشوق شكراً على ارد والمشاركة ولا تتأخرين علينا مره ثانية
الســـهم - أخوكم سابقاً -
ولان الاعرفكم ولا تعرفوني >>>>> كبار الشخصيات لازم غرور شوي ههههههههههه